Isaías 19:19-25
Ary 1948 guive, ikatu ja’e, otoño ary 1947 guivéma, opavave ko yv ape arigua resa, ojere joa ha py’ÿieteve Medio Oriente gotyo. Opavave omoñe’ëva ha oestudiáva jesareko reheve la Biblia oikuaa porä pe historia humana oñepyrühague Medio Orientepe ha Medio Orientepe opa jeýta.
Jeiko vai ko’ágä rupi oïva umi tenda rupi niko ijetu’u ha hypy’ü. Upéicha niko ojehúma voi ymaite guivéma. Ñañeporandu araka’épa umi apañuäi ha jeiko vai oñemohenda poräta, opáta téräpa oñembyaivéta.
Profeta Isaías he’iva’ekue iñambuepataha umi mba’e ojehúva ko’ágä. Ambohéra upéva ÁRA PYAHU MEDIO ORIENTEpe. Isaías capítulo 19, versículo 19 guive 25 peve, jajuhúva Antiguo Testamentope, omombe’u umi tetä réra ohupytýtava Ñandejára jehovasa ijespecial-va.
19 Upe árape oïta peteï altar Egiptope Ñandejárape guarä ha hetä rembe’ýpe, peteï ita ñembo’y, hérape oñemopu’äva.
20 Ha’éta mba’e rechaukaha ha mba’e mombe’uha Ñandejárape guarä, Egipto ojejopy vaíramo osapukáita Ñanderuetépe, ha Ha’e omondóta peteï oipe’áva chupekuéra ijopyha poguýgui.
21 Ñandejára ojekuaaukáta Egiptoguápe, ha Egiptogua oikuaáta Ñandejárape, omomoräta ha oikuave’ëta chupe mymbahapy ha mba’e kuave’ë. Iñe’ë ome’ëta chupe ha ojapóta upe he’iva’ekue.
22 Ñandejára oinupäta Egiptope; upéi katu oipohanóta. Ha’ekuéra ojevýta Ñandejára gotyo, Ha’e katu oiporiahuvereko ha omongueráta chupekuéra.
23 Upe árape oïta tape guasu EgÍptogui AsÍriape, ha Asiriagua oikéta Egiptope, ha Egiptogua Asíriape; Egiptogua Asiriagua ndive omomba’eguasúta Ñandejárape.
24 Upe árape oïta oñondive Egipto, Asiria ha Israel. Ha’e rupi ojehovasáta tetänguéra yvy ári.
25 Ñandejára Ipu’akapáva ohovasáta chupekuéra he’ívo: “Che retä Egipto, Asiria che rembiapokue, ha che mba’eteéva Israel tojehovasa.
Upe ára pyahu oguahë vove Medio Orientepe oikóta heta tembiasa ñemoambue ojehútava.
OÏTA PYSYRÖHÁRA EGIPTOPE GUARÄ upéva ha’e ñepyrüete tembiasa ñemoambue ojehútava upe ára pyahu. Profeta Isaías oñe’ë ñandéve heta ñembosako’i rehe ojehútava ou mboyve pe Pysyröhára Egiptope guarä. Isaías he’íkuri oïtaha ñemoambue ñe’ë oipurúvape. Egipto retägua oñe’ëta hebréo ñe’ëme. Lingüistakuéra rupive niko jaikuaa umi ñe’ë hebreo ha árabe moderno ouha peteï familia lingüísticagui. Bíblia katu he’i ñandéve Egiptogua oñe’ëtaha ñe’ë hebréo.
Egiptogua avei “omomba’eguasúta Ñandejára Ipu’akapávape.” Egiptogua ndaha’éi oñe’ëtanteva hebreo ñe’ëme, ha’ekuéra omoambuéta iñemomba’eguasu, omomba’eguasútagui Ñandejára Ipu’akapávape. Upévare ha’ekuéra omba’ejeruréta Ñandejárape. He’i Isaías: “Upe árape oïta peteï altar Egiptope Ñandejárape guarä ha hetä rembe’ýpe, peteï ita ñembo’y, hérape oñemopu’äva”. Upevarä, oñembosako’íta ko’ä mba’e, avei oïta ñemomba’eguasu, pe altar ojejapótavape Ñandejárape guarä Egiptope.
Máva ohóva tetä Egiptope, ohechakuaáta upépe, oïha heta monumento ymaguare oñemopu’äva’ekue heta mburuvicha guasúpe guarä. Umi mba’e oïva guive upe tetäme Ñandejára peguarä meméta. He’i Isaías: “Ha’éta mba’e rechaukaha ha mba’e mombe’uha Ñandejárape guarä.” Ndaha’emo’ävéima ambuekuérape guarä. Ñandejárape guarä añónte.
Upérö oïta sasö Egiptoguápe guarä, ha’ekuéra osapukáitagui Ñandejárape oguerekógui ojopýva chupekuéra. Ha, mba’épa ojapóta Ñandejára? He’i Isaías: “Ha’e omondóta peteï oipe’áva chupekuéra ijopyha poguýgui.” ¡Upeichaite! Oïta Pysyröhára Egiptope guarä. Ha’ekuéra omba’ejerure vove Ñandejárape, Ha’e omondóta chupekuéra Pysyröhára ndetuicháva.
Iporäitéta upe ára Egipto oguereko vove Pysyröhára Ñanderuetégui.
OÏTA KUAVE’EMBY EGIPTOPE kóva ha’e moköiha ñemoambue ojehútava upe ára pyahúpe. Profeta Isaías he’iva’ekue Egiptope oñemopu’ätaha peteï altar oñemomba’eguasu haguä Ñandejárape. Egiptogua omopu’äva’ekue opaichagua altar. Heta tiempo aja oguerekova’ekue hetaiterei altar. Ha katu, Profeta Isaías oñe’ë ñandéve peteï tiempo rehe: “Upe árape oïta peteï altar Egiptope Ñandejárape guarä ha hetä rembe’ýpe, peteï ita ñembo’y, hérape oñemopu’äva.” Ko’ä ñe’ë he’i ñandéve opavave oikóva guive tetä Egiptope omomba’eguasutaha Ñandejárape, ko’ágä umi mba’e mombyry chuguikuéra.
Upérö Egiptogua omopu’äta peteï altar ha ha’ekuéra oikuave’ëta mymbahapy Ñandejárape, he’iháicha profeta Isaías: “Egiptogua oikuaáta Ñandejárape, omomoräta ha oikuave’ëta chupe mymbahapy ha mba’e kuave’ë. Iñe’ë ome’ëta chupe ha ojapóta upe he’iva’ekue.” Profeta Isaías he’i ko’ä versículo rupive oïtaha peteï ára Egiptogua omba’e kuave’ëtaha Ñandejárape avei ome’ëta iñe’ë chupe. Avei, oïta ñepohäno Ñandejáragui chupekuéra guarä. Ha’ekuéra omba’ejeruréta Ñandejárape ha Ha’e ohendúta chupekuéra. ÑANDEJÁRA niko upe oipytyvötava Egiptoguápe. Profeta Isaías he’i kóicha: “Ñandejára oinupäta Egiptope; upéi katu oipohanóta.” Ñandejára oikuaa porä mba’éichapa omongueráta tetägua Egiptope. Ha’e ojapóta upe Ha’e oikuaáva ha oipotaháicha. Egiptogua ojevýta Ñandejára gotyo, upévare, Profeta Isaías he’i avei ñandéve ha’ekuéra osapukaitaha Ñandejárape ha Ha’e omongueráta chupekuéra.
Iporäitéta upe ára Egiptogua omomba’eguasu ha omba’ekuave’ë vove ÑANDEJÁRAPE.
OÏTA ATYGUASU EGIPTOGUA NDIVE upéva ha’e mbohapyha ñemoambue ojehútava Medio Orientepe tenondeve. Oïta tape guasu ohóva Egiptogui Asiria gotyo. Upe tape guasu oñemopu’äta. Egipto ningo oguereko héra ymaiteve guive, Asiria katu oñemoambue héra. Tetä Asiria ymaite guare niko, upe ko’ágä jaikuaáva tetä Irán ramo. Ha Profeta Isaías he’i ñandéve pe tape guasu ojejapotaha Egipto guive Asiria peve. Oïta ñemu, jeike ha ñesë moköive tetä apytépe, Egiptogua ha Asiriagua apytépe. Moköive tetä ojogueraha poräta. Ko’ágä rupi umi mba’e oiko haguä ijetu’u, ha katu, Ñandejára ñe’ë Profeta Isaías rupive he’i ñandéve peteï árape tenondeve ojehutaha.
Upe ára ha’éta jehovasa rehegua, upe árape Egipto, Asiria ha Israel oïta oñondive. Ko’ágä upe panorama ndaupeichaiete. Ñande jagueroviava’erä upe Ñandejára ñe’ë marangatu he’íva ñandéve Profeta Isaías rupive, oguahëtava peteï ára oïtaha py’aguapy ha joaju.
Oïta avei jeiko porä ipyahuetéva, Profeta Isaías he’i ñandéve kóicha: “Ñandejára Ipu’akapáva ohovasáta chupekuéra he’ívo: “Che retä Egipto, Asiria che rembiapokue, ha che mba’eteéva Israel tojehovasa.” Ñandejára he’íta “¡Che retä Egipto!” ¡Upéva iporäite! Ko’ä mba’e ojehúta peteï ára tenondeve gotyo, heñói vove ára pyahu Medio Oriéntepe.
¡Iporäitéta upe ára Egipto ha Asiria omomba’eguasu vove Ñandejárape Israel ndive! Profeta Isaías he’iva’ekue outaha tenondeve upe ára, ha aikuaa porä upéicha ojehutaha. Ha katu, upe ára pyahu, ha’éta Ñandejára rembiapo. Heta tembiasa iñambuepáta: Egipto oguerekóta peteï Pysyröhára, Egipto omomba’eguasúta ha omba’ekuave’ëta Ñandejárape, Egipto ha Asiria omomba’eguasúta Ñandejárape Israel ndive. Upe ára oïta vy’a, purahéi, ñemomba’eguasu ha katuete, jehovasa.