Isaías 63:7-14
Reikuaápa, angirü che rendúva, Ñandejára okastigava’erä angaipa ha angaipa apohápe. Ñanderuete katuete ojapova’erä upéicha. Ñandejára niko ipy’a marangatu ñane ndive. Salmista ohaiva’ekue kóicha oñe’ëvo Ñandejára py’a porä rehe ha he’i kóicha Salmo 63:3 guive, 5 peve: “Ne mborayhu niko tuichaiteve jeikovégui. Ndéve
rogueropurahéite, ha aikove aja pukukue romomba’éte. Ndéve añembo’évo che po ahupíta. Avy’aitéta apytávo ku so’o kyra ha karaku ha’úramo guáicha ha torypápe
romomomba’eguasúta.” Ñamomba’eguasu Ñandejárape iporiahurereko rehe. Salmokuérape jajuhu heta hendápe oñe’ëha Ñandejára poriahurereko rehe.
Heta jey Ñandejára iñe’ë pohyiva’ekue profeta kuéra rupive, péicha avei heta jey oñe’ëva’ekue mborayhu ha kunu’ü reheve. Ñandejára oipotava’ekue hetägua
imba’erä ha omoañeteva’ekue heta hendáicha hembipota chupekuéra guarä. Antiguo Testamentope, profeta Isaías omombe’u ñandéve Ñandejára korasö henyhëva
mborayhúgui. Upéva jajuhu aranduka Isaías capítulo 63, versículo 7 guive, 14 peve, he’ihápe kóicha:
7. Che mandu’ase Ñandejára py’a poräre, chupe arohoryse, opa mba’e porä ore rehe ojapova’ekuére. Ipy’a poräite haguére Israelgua ndive opa ojapova’ekuére ipy’aporiahurereko ha imborayhu tuichaite rupi.
8. Ñandejára he’iva’ekue: “Ha’ekuéra, che retägua, che ra’ykuéra, ndojeremo’äiva chehegui”. Ha Ha’e oipe’a chupekuéra
9. opa jepy’apýgui. Ndaha’eiva’ekue peteï hembijokuái upe oipe’áva chupekuéra jejopy vaígui, Ñandejáraite upéva ojapo. Ha’e oipe’a ivaívagui oiporiahurereko ha ohayhúgui chupekuéra. Ha’ete voi omopu’ä ha ohupi ijyva ári. Péicha ojapova’ekue opa ára.
10. Ha’ekuéra katu opu’ä Ñandejára rehe, ha ombopochy ijespíritu marangatu. Upévare nda’ija’evéi hesekuéra ha oñoräirö hendivekuéra.
11. Ha’ekuéra imandu’a umi ára yma guarére: Ñandejára rembiguái Moisés rehe, ha oporandu: Mamo piko oime upe oguenohëva’ekue yguasúgui ijovechakuéra rerekuápe? Mamo piko oime upe ome’ëva’ekue chupe ijespíritu marangatu?
12. Upe oipuruva’ekue ipyapy mbarete omoirü haguä Moiséspe, upe omboja’ova’ekue yguasu hetägua renondépe ohupyty haguä terakuä opave’ÿva.
13. Upe ombohasava’ekue chupekuéra yguasu rugua rupi ipysyrÿi’ÿre, kavaju yvy ojeiko’ÿha rupi guáicha,
14. ovecha aty ñúme oguejyvaicha? Ñandejára Espíritu oisämbyhýva chupekuéra. Upéicha reisämbyhyva’ekue ne retäguáme, reñemoherakuä guasu haguä.
Isaías ñanembo’e Ñandejára poriahurereko rehegua. Upevarä omombe’u ñandéve MBA’ÉICHAPA Ñandejára.
ÑANDEJÁRA IPY’A PORÄ upéva omoañete Iporiahurereko. Profeta Isaías omombe’u Ñandejára iporiahurerekoha hetägua Israel ndive. He’i: “Che mandu’a Ñandejára py’a poräre, chupe arohorýta, opa mba’e porä ore rehe ojapova’ekuére. Ipy’a poräite haguére Israelgua ndive opa ojapova’ekuére ipy’a poriahurereko ha imborayhu tuichaite rupi.” Opaichagua jehovasa kuimba’ekuéra ohupyty Ñandejára iporiahurereko rupi. Ñandejára oñangareko hetäguáre akóinte. Ñandejára omombe’u ñanderayhuha, avei ñande poriahurereko tuichaite rupi imborayhu. Ñamomba’eguasuva’erä Ñandejárape ipy’a porä rehe ha ñande rovaságui ko’ë ko’ëme.
Ñandejára ipy’aporä ñane ndive ha upéva ohechauka Ha’égui Pysyröhára. Ñandejára Py’aporä tuichaiterei, ha’égui hetägua Pysyröhára. Israelguakuéra ojogua mitäme. Ha’ekuéra oikotevë Ñandejára pytyvö ha Ñanderuete chupekuéra guarä ha’eva’ekue upe máva ndikatúiva ojuhu mamovete.
Upéicharö, angirü che rendúva, tekotevë revy’a Ñandejára ipy’aporä haguére. Ñandejára ipy’aporä haguéicha tetägua Israel ndive, ipy’aporäta ñane ndive. Ha’eéta ñande Pysyröhára, ne Pysyröhára ha che Pysyröhára, jajeroviáramo hese. Upeichaite, Ñandejára py’aporä ñande rehe tuichaiterei, upéva Ñanderuete ohechauka iporiahurereko rupive.
ÑANDEJÁRA APOPORÄMBY rupive omoguahë ñandéve iporiahuvereko. Ñandejára oïva’ekue hetägua apytépe. Ha’ekuéra oñandu ha ohechakuaava’ekue oïha hendivekuéra. Profeta Isaías ohai kóicha: “Ha’ekuéra che retägua, che ra’ykuéra…Ha’e oipe’a chupekuéra opa jepy’apýgui. Ñandejaraite upéva ojapo. Ha’e oipe’a ivaívagui oiporiahurereko ha ohayhúgui chupekuéra”. Ñanderuete oipytyvö hetäguáme, oipe’a chupekuéra opa jepy’apýgui, ndohejareíri chupekuéra. Ñandejára omoirü chupekuéra ohayhúgui hetäguáme. Upévare ndohejareíri avei hetäguáme. Ha israelguakuéra katu, opu’ä Ñandejárare.
Israelguakuéra opu’ä ramo guare Ñandejárare, ehechakuaamína mba’éichapa Ñandejára ombohovái chupekuéra. Ha’ekuéra ombopochy Ñandejárape. Upévare Ñanderuete ndaija’evéi hesekuéra. Israelguakuéra ombopochy ha oheja Ñandejárape ha ndoiko porävéi oñondive. ¡Ñambyasy ñahendúvo ko’ä mba’e ojehu hague.
Israelguakuéra opu’ä Ñandejárare, ha’ekuéra ombopochy chupe ha upévare Ñanderuete ndaija’evéi hesekuéra! Mba’ére piko Ñandejára ojapo upéicha? Apoporämby Ñandejáraguigua niko ijojaha’ÿ, tuichaiterei ha iporäiterei. Mba’ére Ñandejára oñemoï hetäguáre? Ojapo ohechauka haguä chupekuéra tuicha ojavyha opu’ä ramo guare hese.
Upéicha ha’e avei Ñandejára apoporämby. Ñandejára oipota hetägua ijeroviapy hendive, ndoipotái opu’ä hese. Ñandejára apoporämby ñane mba’erä avei. Tekotevë jajesareko umi jajapóvare, anítei ñambopochy Ñandejárape tetägua Israel ojapo haguéicha. Ñande avei ikatu jahupyty Ñandejára apoporämby poräite Ha’e ñande poriahurerekógui.
ÑANDEJÁRA SÄMBYHY ombohape iporiahurereko. Profeta Isaías he’i Ñandejára imandu’aha umi ára yma guarére, Ñandejára rembiguái Moisés rehe oguerahava’ekue tetä Israelpe tetä Egiptogui, ohasava’ekue hikuái yguasu rupi, ohokuévo pe yvy Ñandejára he’iva’ekue ome’ëtaha chupekuéra. Moisés ha’eva’ekue
ovecha rerekuáicha chupekuéra. Ñandejára oipuruva’ekue Moiséspe oguenohë haguä israelitakuérape Egíptogui. Ñandejára oisämbyhyva’ekue chupekuéra Moisés rupive osë haguä Egíptogui, ohasa haguä Mar Rojo ha oho aja desierto rupi, umi tiempo aja Ñandejára omoirüva’ekue chupekuéra.
Ñandejára sämbyhy jahechakuaa Ha’e oñangarekógui hetäguáre opaite mba’épe. Ojehechakuaa avei Ñandejára Espíritu ñesämbyhy, Ñandejára Espíritu oïgui upépe hendivekuéra. Profeta Isaías ohai: “Ñandejára Espíritu oisämbyhy chupekuéra.” Ñandejára sämbyhy oïva’ekue hetägua ndive ogueraha haguä chupekuéra tenda oikohágui esclavoicha, tenda opytu’utahápe hikuái. Upéva ojapo ohechauka haguä chupekuéra ipokatu ha iverapy. Ñandejára oguereko téra ijojaha’ÿva.
Angirü che rendúva, Ñandejára sämbyhy ha’e ñanemba’erä. Ñandejára ohechauka iporiahurereko ko’ë ko’ëre ipy’a porä rupive. Ñandejára ñanesämbyhyse, oipyso ñandéve apoporämby ñanderayhúgui, ha ome’ëségui ñandéve py’aguapy. Tekotevë jajerovia Ñandejárare ha jaheka chupe ko’ë ko’ëre. Avei ñamomba’eguasu chupe iporiahurereko ijojaha’ÿvare.