Ñandejara Oï Upépe

Hope for Today (Guarani)
Hope for Today (Guarani)
Ñandejara Oï Upépe
Loading
/
Isaías 40:25-31

Dr. Francis Schaeffer, oikóva Suizape, ohaiva’ekue peteï aranduka hérava Ñandejára oïva upépe. Upe arandukápe Dr. Schaeffer omboysýi mba’érehepa jajeroviava’erä Ñandejára La Biblia peguáre. Ikatúramo rejogua ha emoñe’ë iporäitéta. Aníke pehai pejerure haguä chéve, che ndaguerekói amondo haguä peëme. Ha katu ÑANDEJÁRA OÏ UPÉPE.

Maymáva ñame’ëva’erä ñande aguije Ñandejárape ojeikuaauka haguére ñandéve La Biblia rupive. Upe aranduka iporäta remoñe’ëramo. Reguerekóramo La Biblia ha emoñe’ë ko’ë ko’ëre, ejepy’amongeta ipype he’ívare Ñandejárare, reikuaáta chupe. Ñandejára oü upépe. Heta mba’e ñaikümbýta Ñandejáragui ñamoñe’ë aja Ñandejára Ñe’ë. Upévare, iñimportante reguereko peteï Biblia remoñe’ë haguä upe ipype he’íva ha reikuaave haguä Ñandejára rembipota.

Profeta Isaías oguerekova’ekue heta temimo’ä Ñandejára rehegua. Ñamoñe’ëmína umi temimo’ä Ñandejára rehegua jajhuhúva Isaías capítulo 40, versículo 25 guive, 31 peve, upe aranduka oï Antiguo Testamentope. Upépe he’i kóicha:

25. Ñandejára Imarangatúva oporandu: mávare piko chembojojáta, añembojoja haguä hese?

26. Pejesaupi ha pema’ë. Máva piko umi mba’e apohare? Pe he’íva peteïteïme hembiaporä ha héra rupi ohenói. Ha’e ipokatu ha ipu’aka mbarete rupi ndaipóri ou’ÿva ijapypytepekuéra.

27. Mba’ére piko ere Jacob, ha ere jey nde Israel: “Ñandejára ndacherecahakuaái. Ñandejára mba’eve ndoikuaaséi chehegui?”

28. Ndereikuaáinga’u piko? Araka’eve piko nerehendúi Ñande Apohare opa ára Ñandejára? Ha’e oajpo ko yvy tuichakue, nda’ijuku’ái, naikane’öi, iñarandu ndaijapýrai.

29. Ha’e omokyre’ÿ ikane’övape, ikangývape omombarete.

30. Mitärusu jepe ijuku’a ha ikane’öne, karia’y oñepysänga ha ho’áne;

31. Ojeroviáva Ñandejárare katu ikyre’ÿ jeýne ha taguatóicha ovevéne. Ijuku’a’ÿre oñaníne ha oguatáne ikane’ö’ÿre.

Hesakä haguä ñandéve mávapa Ñandejára, tekotevë jahechakuaa umi mba’e profeta Isaías OMBOYSÝIVA ñandéve ko’ä versículope.

EHECHAKUAA ÑANDEJÁRA ARANDU PYKO’Ë oñemopyrendáva hembiapokuépe. Ndaipóri ha’éichagua ambue. Ndaikatúi ñambojoja chupe avavére ni mba’evére. Ñandejára voi oporandu kóicha: “¿mávare piko chembojojáta, añembojoja haguä hese?” Angirü che rendúva, ndaikatúi ñambojoja Ñandejárape avave ni mba’evére, ndaipórigui avave ni mba’eve ha’eichagua. Ñandejára oï opavave tekove ári ha oï opaite mba’e ári.

Iporä ehechakuaa Ñandejára Ijojaha’ÿva oguerekoha ipópe ko yvy avei opaite mba’e oïva ipype ha ijerére, ha’égui hembiapokue. Isaías ohaívo imandu’a umi mba’e oïvare yvate ha he’i: “Pejesaupi ha pema’ë.”

Ñandejára ojapova’ekue mbyjakuéra, ko yvy, ipype ha ijerére oïva, opaite mba’e. Aranduka Génesis, La Bibliape, ñamoñe’ë Ñandejára ojapo hague opaite mba’e iñe’ë rupive, HA’E he’i ha oiko. Ha opaite mba’e oï HA’E ojapohaguéicha. Ipu’aka rupive hendápe oïmba. Ñandejára ohenói opaite mba’e héra rupi, Ipu’aka mbarete rupive.

Cientificokuéra he’i oïha hetaiterei mbyjakuéra “cientos de millones de estrellas” he’i hikuái. Umi ikatúva jahecha pyharekue, upeichaitéma voi oïmakuri ymaite guive. Heta ary Jesucristo onase mboyve, Job omombe’úmava’ekue oïha umi mbyja ñande jahecháva ko’ágä rupi. Orión ha umi Pléyades oñemombe’úma aranduka hérava Jobpe. Umíva ikatu jahecha pyharekue yvágare hemisferio norte gotyo. Upévare, tekotevë jahechakuaa Ñandejára arandu.

EHECHAKUAA ÑANDEJÁRA TEKOJOJAHA oñemopyrendáva kuaapy jojaha’ÿme. Pe chi’ö térä ndoguerekói ñemopyrenda. Ha katu, Jacob ha Israel ojekehákuri Ñandejára ohejarei hague chupekuéra. Hapekuéra ndaha’éi upe Ñandejára oipotaháicha. Upévare ha’ekuéra ndaikatúi oha’arö tekojoja. “¿Mba’érehepa ere raka’e upéva? ¿Mba’ére ere upéva?” Ñandejára oikuaapaite.

Ñandejára oikuaa opaite mba’e, ha’égui ÑANDEJÁRA OPAVE’YVA. Upéva he’ise HA’E oikuaapaha upe ojehuva’ekue, umi mba’e ojehúva ko’ágä ha umi mba’e ojehútava
tenonderä. Mba’eve nokañýi chugui, henondépe oï opaite mba’e. Ñandejára ningo ojapova’ekue opaite mba’e, Ha’e oikuaapa opaite mba’e. Ikuaapy ha arandu ndaikatúi jaipyguara ni ñaikümby. Ñandejára añoite hekojoja marane’ÿ, nokañýigui chugui mba’evete. Jaikuaávo ko’ä mba’e tuicha ñande py’aguapyva’erä.

“Ha’e ojapo ko yvy tuichakue, ndaijuku’ái, naikane’öi, iñarandu ndaijapýrai…” Ñandejára ningo oikuaapaite, ha Hekojoja imarane’ÿ. Yvy ape arigua tribunal heta jey
ojavy ojaposévo hendapegua, ohekávo tekojoja, ha’ekuéra ndoikuaapáigui upe ojehuva’ekue. Upéicha ndojehúi Ñandejárare. Ha’e oikuaapa upe ojehúva, nokañýi
chugui mba’evete. Upévare, HA’E ikatu ojapo tekojoja, hekojoja marane’ÿgui.

Nderejeroviáitiramo añetehápe Ñandejárare, upéva naiporäi. Romokyre’ÿse ejerovia haguä Jesucristo rehe ne korasö ruguaite guive, añetehápe, ha upéva rejapo rire reikümbýta añetehápe mba’épa he’ise ko’ä mba’e ñañemongetáva ko árape.

EHEKA ÑANDEJÁRA PYTYVÖ NDE REKOVÉPE GUARÄ, HA’E nepytyvöse ha oipota upe iporävéva nde rekovépe guarä. ¡Ñamomba’eguasu Ñandejárape! Ha’e oikuaa
ñane remikotevë. Ñandejára omombarete ikane’övape. Maymáva ikangýva guive ikatukuaa ohupyty mbarete Ñandejára pokatu rupive. Umi oñeñandúva ha’eño, HA’E
omombaretéta, HA’E ojepy’apýgui ñande rehe. Ñandejára nañanderejareimo’äi. Nde reguerekóramo temikotevë Ñandejára ne pytyvökuaa. Tekotevë rejerovia hese ha eheka ipytyvö.

He’ive Ñandejára ñe’ë: “Mitärusu jepe ijuku’a ha ikane’öne, karia’y oñepysänga ha ho’áne…” Ñandejára mbarete iporäve karia’ykuéra mbaretégui. “Ojeroviáva Ñandejárare katu ikyre’y jeýne; ha taguatóicha ovevéne.Ijuku’a’ÿre oñaníne ha oguatáne ikane’ö’ÿre.” Ejepy’amongetamína ko’ä mba’ére.

Eheka Ñandejára pytyvö nde rekovépe guarä, HA’E oikuaa ne remikotevë ha ne pytyvöse. Ñandejára nemombaretese, nemokyre’ÿse nekane’ö jave. Nekangy jave oïse
nendive. Ne pytyvöse repu’ä jey haguä, reveve haguä taguatóicha nde jehasa’asy ári. Nepytyvöse regueropu’aka haguä ne rembiasa nekane’ÿre. Oguatase nde ykére nemombarete haguä. Ñandejára nderayhu ha ne pytyvöse.

Amomba’eguasuse Ñandejárape ko’ä mba’ére. ¿Ajépa iporäite ko’ä mba’e Ñandejára ojaposéva ñane ndive.? HA’E oï upépe, ñande ypýpe. Ñandejára araka’eve
nañanderejái. Ha’e ne pytyvöse. Oï nemba’erä. Oï chemba’erä. Tekotevë rejepy’amongeta mba’éichapa reime Ñandejára renondépe. Ejerovia hese. Iñarandu ha
imba’ekuaapy rupive oguereko opaite mba’e ipo guýpe. Hekojoja imarane’ÿ; Ipytyvö rupive ombopyahu opaite mba’e. Ñandejára oï upépe. Ikatu rejerovia hese.

Receive Weekly Encouragement

Sign-up to get a sermon straight to your inbox on a weekly basis!