Angapyhy Jehasa’asy Jave

hft guarani 2022
Hope for Today (Guarani)
Angapyhy Jehasa’asy Jave
Loading
/
Isaías 6:1-12

Py’aheta ko’ë ko’ëmegua omongakuaa ñeñandu vai térä crisis ñande rekovépe. Ndajaikuaái mba’épa ojehúta tenondeve ha upéva ñanemoñandu vai avei, upévare ou
temimo’ä opaichaguáva ñane akäme. Py’ÿiete jaikuaase mba’épa ojehúta ñandéve ko’ërö, umíva ningo ndaikatúi jaikuaa. Heta jey, umi mba’e jahasáva ñanemoñandu
vaieterei ha ndaikatúi jepi jagueropu’aka. Maymáva ñaikotevë pytyvö ko’ë ko’ëre. Ñaikotevë angapyhy. Ñaikotevë mbarete. Ñaikotevë py’aguasu ha py’aguapy.

Moö gotyopa jaha umi ára ñaikotevë jave? Ñahenonde’a haguä jehasa’asy térä tembiasa ijetu’úva, moö gotyopa jaha? Ikatu jajuhu ANGAPYHY JEHASA’ASY AJA ojuhu haguéicha profeta Isaías. Ñamoñe’ëmína aranduka Isaías capítulo 6, oïva Antiguo Testamentope, he’ihápe kóicha:

1. Upe año omano haguépe mburuvicha guasu Uzías, ahecha Ñandejárape guapyha ijyvate etereívape, ijahoja ruguái omyenyhë pe tupäo.

2. Tekove tata rendýpe ojoguáva oï hi’ári ha peteïteï, 6 ipepo. Moköi ipepópe ojaho’i hova, moköime hetyma, ha moköi hembývape oveve.

3. Ha he’i joa ojupe: Imarangatu, imarangatu, imarangatu, Ñandejára Ipu’akapáva, yvy tuichakue henyhë heko mimbipágui.

4. Oñehendúvo ko’ä ñe’ë, tupäo rokënguéra oryryipa ha pe tupäo henyhë tatatïgui.

5. Ha che ha’e: ¡Amanóta! Ahecha niko che resatee rupi mburuvicha guasu Ñandejára Ipu’akapávape ha che juru niko naipotïri añe’ë haguä ha aiko tetägua ijuru potï’ÿva apytépe.

6. Upérö peteïva umi tekove tata rendýpe ojoguáva oveve che aimeha gotyo. Ipópe tatapÿi ohupiva’ekue altárgui.

7. Omboja che juru rehe ha he’i chéve: “Péina kóva ojáma nde jurúre, ojepe’áma ne angaipa, ha umíva ojehejareíma ndéve”.

8. Upérö ahendu Ñandejára he’íramo: Mávapepa amondóta? Mávatapa ñane rembijokuái? Che ha’e: Ápe aime. Che jokuái chéve.

9. Ha’e he’i: Tereho ere ko’ä mba’e ko tetäguápe: Pehenduvéramo jepe, ndapeikuaamo’äi pe oje’éva; ha pema’ëvéramo jepe, ndapehechamo’äi.

10. Emyakä kuchu ko tetäguápe, emboty ijapysa ha ehesa jokua, ohendu’ÿ térä ohecha’ÿ haguä, ani upéi ohendu ha ohechakuaa mba’e, ha ojerehápe vaígui ha aipohano jey mante chupekuéra.

11. Che ha’e chupe: “Araka’e peve péichata che Jára?” Ha he’i chéve: “Umi táva oñehundipa peve, avave ndoikovéi ipypekuéra, ogakuéra opyta peve nandi, ha ñukuéra avave’ÿre.

12. Ñandejára omosë meve hetägui opavavépe, ha opyta peve nandi upe tetä.

UMI TEMBIASA ohasava’ekue Profeta Isaías ñanembo’eva’erä jajuhu haguä angapyhy jehasa asy aja. Jahechakuaamína umi mba’e ha’e ohasava’ekue ha upekuévo jahechakuaa mba’épepa ñane pytyvöta ñandéve ko’ágä:

PE SITUACIÓN POLÍTICA INESTABLE HETÄME upéva ningo maymáva tetä rupi ojehu. Tetä Israelpe, omanova’ekue imburuvicha guasu. Upévare oñemoambueva’ekue pe sämbyhyhára. Umi árape, pe mburuvicha guasu iñimportanteterei. Upérö, pe rey ha’eva’ekue máva he’íva upe ojejapova’eräva.

Rey Uzías oisämbyhyva’ekue 52 ary aja. Ha Ñandejára Ñe’ë, La Biblia he’i ñandéve oisämbyhy porähague. Ha’e ojapova’ekue umi mba’e Ñandejára oguerohorýva. Rey Uzías omanóramo guare pe situación política okuchu, iñambuepa ha upévare Profeta Isaías ojepy’apy. Omoñandu vai umi mba’e Profeta Isaíaspe.

Upévare oho tupäópe. Oike tupäópe ha upépe ohecha avei Ñandejárape. Isaías ohai: “ahecha Ñandejárape guapyha ijyvatetereívape, ijahoja ruguái omyenyhë pe tupäo.” Ha ohendu umi tekove tata he’i joáva: “Imarangatu, imarangatu, imarangatu, Ñandejára Ipu’akapáva.” Profeta Isaías ohupyty angapyhy pe mba’e ohecháva rupive. Pe situación política hetäme okuchu ha iñambuepa jave, ha’e ohupyty angapyhy oikuaávo Ñandejára pe Ipu’akapáva, oïha guapyha ijyvatévape ha angelkuéra tekove tata rendýpe ojoguáva omomba’eguasuha chupe. Upéva ogueru angapyhy Profeta Isaíaspe. Umi mba’e ohechávo Isaías ojuhu angapyhy Ñandejára oisämbyhýgui. Umi serafín omomba’eguasu Ñandejárape ha Isaías avei omomba’eguasu chupe.

MÁVA REKO IMYANGEKÓI upéva ningo ojehu maymávaite tekove rehe. ¡Ñandejárape jehecha tuicha omondýi Isaíaspe! Omyangekói chupe. Profeta Isaías osapukái, ohendu ha ohecháramo guare Ñandejára Ipu’akapávape. Ha’e he’íkuri: “¡Amanóta!” Ha’e oñe’ë hebreope, ikatúnera’e he’i: “oh-ee!” Upéva ha’e ñe’ë ojepurúva ojesapukái haguä ha ohechauka ñembyasy ha myangekói. Ohechágui Ñandejárape tuicha oñeñandu vai. Ñandejára reko marangatu ohechauka Isaías pe heko ky’a. Upévagui osapukái: “Mba’épa ajapova’erä?”

Upémarö peteïva umi serafin omýi tekotevëgui. Oïva’ekue ñemopotï Ñandejáragui oúva. Pe serafín oñemboja pe altar del sacrificio rehe ha ipojái tatapÿire oïva pe altarpe, ha omboja Profeta Isaías juru rehe. Ha he’i chupe: “Péina kóva ojáma nde jurúre, ojepe’áma ne angaipa, ha umíva ojehejareíma ndéve.”

Upéva tuicha omoangapyhy Profeta Isaíaspe. Ha’e oï Ñandejára Imarangatúva renondépe ha ojehechakuaa hekove marangatu’ÿ. Tuicha oñeñandu vai ha imyangekói ko mba’e ohasávo. Ha katu upe tembiasa rupive Isaías ohupyty angapyhy, Ñandejára omopotïgui hetepy.

Angirü che rendúva, che avei ajuhu angapyhy. Ogueru chéve angapyhy taha’e ha’éva upe jehasa aguerekóva, ta’ivai ivaiháicha. Ñandejára ikatu ñanemopotï. Upévare amomba’eguasu Ñandejárape, Ha’e ome’ëgui angapyhy profeta Isaíaspe tuicha oñeñandu vai jave.

JEJOKUÁI OMOMBE’U HAGUÄ ÑANDEJÁRA ÑE’Ë MAYMÁVAPE oñeme’ë Isaíaspe. Ñandejára ohenói Isaíaspe. Ñandejára omopotï rire Isaíaspe, ha’e ohendu Ñandejárape he’íramo: “¿Mávapepa amondóta?” Upéva porandu Isaíaspe guarä. Ñandejára he’i: “¿Mavatapa ñane rembijokuái?” Upéva ha’eva’ekue ñehenói peteï tekovépe guarä. Ñandejára ohenói peteïme ha ndaikatúi oñemboyke iñehenói.

Pe jejokuái térä tembiapo hesakä porä. Isaías ombohováiramo guare he’ívo: “Ápe aime. Che jokuái chéve.” Ñandejára ombohovái chupe: “Tereho ere ko’ä mba’e ko tetäguápe.” Upéi Isaías oho omombe’u momarandu hetäguápe. Ñandejára he’i chupe umi mba’e he’iva’eräva: “Pehenduvéramo jepe, ndapeikuaamo’äi pe oje’éva; ha pema’ëvéramo jepe, ndapehechamo’äi.” Ha Isaías oporanduva’ekue: “Araka’e peve piko péichata , che Jára?”. Ha Ñandejára ombohovái chupe: “Umi táva oñehundipa peve.”

Upéva ahenói jejokuái oñemombe’u haguä Ñandejára Ñe’ë maymávape ojeguevi’ÿre. Isaías ikatu ojuhu angapyhy ko’ä mba’épe. Ha’e ojuhu angapyhy Ñandejára ojokuáigui chupe. Ha upe jejokuái omombe’u haguä Ñandejára Ñe’ë reheve Isaías ojuhu angapyhy. Ñandejára voi ome’ë chupe ko tembiapo.

Upévare, che angirü, oïramo pe inestabilidad política jajuhukuaa angapyhy Ñandejáragui oúva, Ha’e oisämbyhýgui Ipu’aka rupive opaite mba’e. Ñande reko ky’a Ñandejára ikatu omopotï, Ha’e añoite ikatu ñanepysyrö. Ñandejára avei ñandejokuaise ñamombe’u haguä iñe’ë maymáva tekovépe, upe tembiapo jajapo haguä ha jajapo aja Ha’e ñanemoangapyhýta ha ñane pytyvöta. Taha’e ha’éva upe jehasa asy térä tembiasa ijetu’úva reguerekóva ko árape, nde ikatu rehupyty angapyhy Ñandejárape, ojuhu haguéicha profeta Isaías.

Receive Weekly Encouragement

Sign-up to get a sermon straight to your inbox on a weekly basis!