Isaías 53:1-6
Nde oiméne reguereko angirü térâ nepehëngue apytépe, ndéve guarâ ha’éva iporavopyre. Ikatukuaa ne hermano térâ ne hermana rekakuaava’ekue hendive. Oiméramo nde ru oikove, ikatukuaa ha’e voi penemoirûva akôinte. Ikatu nde sy avei oikove gueteri, ha’e upe hesaporavo pyréva ndéve guarâ. Ikatukuaa ndaha’éi ne pariente, uvei ne angiru hi’aguïvéva ndéve guarâ
Ñamomba’e umívape jaguereko rehe ñane ndive térâ ñande ypýpe ko’âichagua angirû. Jahechahápe tuichave oñeha’âha oîsêgui ñande ypýpe ojapo haguâ mba’e porä ñande rehehápe, upeichagua angirü iporä jaguerohory ha ñamomba’e.
Ikatúne reikuaa Ronald Reagan rembiasakue. Ha’e ningo ha’eva’ekue presidente Estados Unidospe. Peteî jey ojejapi chupe mbokápe. Omanova’erâmo’â upérö ¡Iguarda espalda noñemoîri rire pe bala rapépe! Ronald Reagan omomba’eguasueterei pe iguarda espalda ojapova’ekue hese. Pe iguarda espalda nomanói. Upe guarda espalda Ronald Reagan pe guarä ha’ékuri máva especial.
Profeta Isaías capítulo 53, versículo 1 guive, 6 peve Antiguo Testamentope ohaiva’ekue máva ijespesialva rehe, jaikuaamína upéva:
1. Máva piko ogueroviáta upe rohendukava’ekue? ¿Mávape piko ÑANDEJÁRA oikuaaukáta ipokatu?
2. Okakuaa mba’e rokýicha henondépe, ha yvyra rapóicha yvy perôme. Ha’e naiporâi ha ndoguerekói mba’eve ñama´êse haguâ hese.
3. Ojeapo’i ha ojejei chugui, opa mba’e hasy chupe, jeiko asýre ojepokuaa, ojejere chugui ndojehechaséigui chupe. Roguereko ijaheipy ramo ha ndorojapói mba’evérô.
4. Ha’e katu ogueraha ijapére ñane mba’asy ha ogueropu´aka opa mba´e hasýva ñandéve. Ñande ñaimo´â ÑANDEJÁRA oinupâ hague chupe, ombuepoti ha omotîndy hague.
5. Ha´e ojekutu ñane tî atânguére, ñane rembiapo vaikuére oñemyangu´ipa. Ho’a hi´ári pe ñenupâ oguerúva ñandéve py’aguapy, ha ijekutukue rupi jakuera ñande.
6. Opavave ñandekuéra ovecháicha ñasêmba pe tape porâgui, ha peteîteî jajapo ñande raper⸠ha ÑANDEJÁRA omoi Ijati’y ári ñane angaipa pohyikue.
Bíbliape hetaháicha oñembohéra CHUPE, ha ápe noñembohérai chupe. Ágâ katu he’i ñandéve mba’eichaguápa HA’E, máva ijojaha’ÿva ¡Peichagua tekotevê jahayhu añetehápe!
PE HEKO AÑETE tuichaitereígui ojapo chugui tekove hesaporavo pyre. Ejesarekomi umi porandukuéra jajuhúva versículo 1pe: “Máva piko ogueroviáta upe rohendukava’ekue? ¿Mávape piko ÑANDEJÁRA oikuaauka ipokatu? Ko’â porandu rupive jahechakuaa sa’ieterei hague umi ogueroviáva upe marandu. HA´E, ndaipóri imarangatu ha tuichavéva chugui.
Ndahetái oikümby, mba´érepa he´i: “Okakuaa mba´e rokýicha henondépe ha yvyra rapóicha yvy perôme”. Ha’e ndoguerekói mba’eve gentekuéra oguerohorýtava “Ha´e naiporâi ha ndoguerekói mba’eve oñema’ê haguâ hese” Hova ha hete ndoguerekói mba’eve ojeguerohory haguâ. Ndahetái upe ohechakuava’ekue chupe hekovépe.
Mávapa ikatu angirü poravopyre? Ajekóta nde rehe ehesaporavo haguâ, peteî añónte jajuhu ikatúva ndofallái ¡Ha´e héra JESÚS! Eñeporandumína mba’érepa ndojeguerekói chupe angirü hesaporavo pyréva ramo.
IÑEMBOYKE REIETE, ojapo chugui peteî tekove iporavopyre. Ha’e ndovy’a hetái. “Ojeapo´i ha ojejere chugui”. Ha´e avei oñembyasy “ohasa heta ñembyasy”, upeichaite chupe oñembovyrorei ha avave ndohechakuaái hembiapo imarangatuha. Sa´i ojevy´a pe tapicha hesaporavo pyre rembiapo ha hekovére. Ojere hese vy´a´ÿ, ñembyasy, jaheipy ha jehasa’asy. Ndoguerekói heta vy´a, ndahetái iñangirü oñemboykére chupe ko’ê ko’êre. Upéicha, Ha’e oñemboyke ha ojeguereko mba´eve´ýrô.
Ha’e omano rire, Profeta he´i hese: “Ojeguereko chupe ñembyepotípe, ohasa asy ÑANDEJÁRA oipotágui” ¡ Ha añetehápe upéicha oikova’ekue!. Pe máva hesaporavo pyréva ohasa asy hekopete, ikatu haguâicha ojapo ÑANDEJÁRA rembipota.
Mávapa oñembojoja ko mombe’u reheve? Añetehápe, anichéne ñane rembiapokue. Peteî rembiapokue añónte ija ko’ä mba’e oñemombe’úvare. Ha’e héra JESÚS “Noñemomba´éi ha oñemboyke kuimba’ekuéra apytégui” “Oñembovyrorei ha ndojeguerohorýi”. “Ñande ñaimo´â Ñandejára oinupä hague chupe, ombyepoti ha omotîndy hague”. Peteînte oî pe máva hesaporavo pyréva, ha´e héra JESÚS. Hese ha hembiasakuére ijapaite ko’â mba’e oje’éva guive.
PE IÑEMYATYRÔ OÑEMO’Â’ÝVA ojapo chugui mba´eguasuete. Pe Profeta he´i versículo 5pe: “Ha´e ojekutu ñane tî atânguére, ñane rembiapo vaikuére”. Ndaha’éi “Ha´e”, he’i “Ñane” ñane rembiapo vaikue ogueru chupe ñembyasy, jehasa´asy ha jekutu. He´iháicha Bíbliape: “Ha’e ojekutu ñane tî atänguére, ñane rembiapo vaikuére
oñemyengu´ipa”. Ñande jahasava’eräkuri umi jehasa asy ha mba’e vai. Ha´e ohasa ñande rayhuhápe. Ha´e omano ñande rekovia, he´iséva SUSTITUCION. Ha´e ñande rekovia ohasa’asy.
Tekotevëma jahechakuaa, JESÚS omyatyrôha ñande reko vai, ñane angaipa, ñande py´aguapy pe ijekutu, ñembyepoti, ha ijai rupive “ÑANDEJÁRA omoï ijati´y ári opavave angaipa”
Upévape che ahenói ñemyatyrô ijojaha’ÿva. Nde che angirü, ejepy’amongetamína pe nde rekovére, nde reikuaa porâ hetave naiporâiha ne rembiapo. Máva hesaporavo pyre ojekutu, oñenupä ha oñemongu´ipa nde rekovia. ÑANDEJÁRA oity ijati´y ári ñane angaipa repy. Profeta Ezequiel omombe´uháicha ñandéve Bíbliape: “Pe iñangaipáva omanóta” Ha Profeta Isaias he´i pe ñemyatyrô ojejapoha ñande rekovia. Ñanderayhuhápe Ha´e ojekutu ha oñemongu´ipa.
Ndaikatúi ha´e ambue mba’e, pe máva hesaporavo pyre héra JESÚS, hembiapokue añoite ijakuaa umi ja’eva’ekuére. Umi jehasa’asy ohasava’ekue, ñemboyke ha heta ñembosarái ikatu haguâicha ñane pysyrô. Ñamomba’eguasuva’erâ JESÚSpe peteïteï ñande rekovépe.