Isaías 6:1-12
Ikatu ningo are oñeñemongeta kuimba’épa ojapo tembiasakue térä pe historia oje’eha; téräpa pe tembiasakue omomba’e kuimba’épe. Péicha ojepy’amongetáva ningo omboykete voi Ñandejárape, kuimba’e rehente omaña ha ndohekái voi Ñandejárape. Upévare, umi kuimba’e reko rehente ojesarekóvape guarä ndaipóri mbohovái añetéva. Ha katu, jahechakuaa vove la Biblia ñanembo’éva, ñaikümby Ñandejára oisämbyhyha opaichagua tembiasakue térä pe historia.
La Biblia he’i ñandéve Ñandejára omoñepyrühague pe historia ha he’i avei Ha’e omohu’ätaha. Upévare Ñandejára oisämbyhy opaichagua tembiasakue. Ñandejára oguereko ipo guýpe opaite mba’e ha upévare oipuruva’ekue kuimba’ekuérape ha oipuru gueteri. Ikatu ningo ja’e, pe historia ha’eha tembiasakuéra kuimba’ekuéra oguerekóva ymaite guive ha ja’eva’erä avei Ñandejára oisämbyhyha, nokañýi chugui mba’evete; upéva he’ise Ñandejára okontrolaha pe historia térä opaichagua tembiasa.
Ñamoñe’ë vove pe historia jaikuaaségui mba’épa ojehu raka’e, jajuhu heta kuimba’ekuéra ymaite guare ojapohague heta mba’e omoherakuäva chupekuéra ambukuéragui, ojapógui tembiapo itávape térä oipytyvö haguä ambuekuéra oikotevëvape. Upéicha ningo ojehu gueteri ko’ágä rupi, ha katu kuimba’ekuéra rembiapo pya’eve avei oñehesa’ÿijo. Aranduka Isaías capítulo 6, versículo 1 guive 12 peve jajuhu pe KUIMBA’E ÑANDEJÁRA REMBIPOTA OJAPÓVA. Ñamoñe’ëmína:
1. Upe año omanohaguépe mburuvicha guasu Uzías, ahecha Ñandejárape guapyha ijyvatetereívape, ijahoja ruguái omyenyhë pe tupäo.
2. Tekove tata rendýpe ojoguáva oï hi’ári ha peteïteï, 6 ipepo. Moköi ipepópe ojaho’i hova, moköime hetyma, ha moköi hembývape oveve.
3. Ha he’i joa ojupe: Imarangatu, Imarangatu, Imarangatu, Ñandejára Ipu’akapáva; yvy tuichakue henyhë heko mimbipágui.
4. Oñehendúvo ko’ä ñe’ë, tupäo rokënguéra oryryipa ha pe tupäo henyhë tatatïgui.
5. Ha che ha’e: “¡Amanóta! ahecha niko che resatee rupi mburuvicha guasu Ñandejára Ipu’akapávape ha che juru niko naipotïri añe’ë haguä ha aiko tetägua ijuru potï’ÿva apytépe.”
6. Upérö peteïva umi tekove tata rendýpe ojoguáva oveve che aimeha gotyo. Ipópe tatapÿi ohupiva’ekue altargui,
7. omboja che juru rehe ha he’i chéve: “Péina kóva ojáma nde jurúre, ojepe’áma ne angaipa, ha umíva ojeheja reíma ndéve.”
8. Upérö ahendu Ñandejára he’íramo: “Mávapepa amondóta? Mávatapa ñane rembijokuái?” Che ha’e: “Ápe aime. Che jokuái chéve”.
9. Ha’e he’i: Tereho ere ko’ä mba’e ko tetäguápe: “Pehenduvéramo jepe, ndapeikuaamo’äi pe oje’éva; ha pema’ëvéramo jepe, ndapehechamo’äi.
10. Emyakä kuchu ko tetäguápe, emboty ijapysa ha ehesa jokua, ohendu’ÿ térä ohecha’ÿ haguä, ani upéi ohendu ha ohechakuaa mba’e, ha ojere hape vaígui ha aipohano jey mante chupekuéra.
11. Che ha’e jey chupekuéra: “Araka’e peve piko peichata, che Jára?” Ha he’i chéve: “Umi táva oñehundipa peve, avave ndoikovéi ipypekuéra; ogakuéra opyta peve nandi ha ñukuéra avave’ÿre.
12. Ñandejára omosë meve hetägui opavavépe, ha opyta peve nandi upe tetä.
Oiko haguä Isaíasgui KUIMBA’E ÑANDEJÁRA REMBIPOTA OJAPÓVA, Ñandejára ogueraha chupe opaichagua TEMBIASA ijetu’úva rupive.
TEMBIASA TETÄ MBURUVICHAKUÉRAPE JEHAVIRA REHEGUA upéva Ñandejára poguýpe oï. Isaías capítulo 6, versículo 1 oñepyrü he’ívo ñandéve kóicha: “Upe año omanohaguépe mburuvicha guasu Uzías.” Ñamoñe’ë ramo tetägua Israel rembiasa oikóramo guare profeta Isaías, jajuhu mburuvicha guasu Uzías oisämbyhy porähague. Peteï mba’e upe ojapo vaiva’ekue: ha’e oikeva’ekue tupäópe ojapy haguä insienso Ñandejárape, upéva ha’e ndikatuiva’ekue ojapo. Tupäope, jehapy insienso ha’eva’ekue pa’ikuéra rembiapo. Upéva ojapohaguére, rey Uzías osë hese mba’asy vai hérava lepra, Ñandejára ohavirágui chupe ojapógui ojapo’ÿva’erä, ha upe ára guive oiko ambue ógape, mombyry hogayguágui.
Upeichavéramo jepe, rey Uzías oisämbyhy poräva’ekue hetäguáme. Ha’e ojapova’ekue mba’e iporäva Ñandejára renondépe. La Biblia he’i ñandéve 2° Crónicas 26:4pe: “Uzías rembiapokue iporä Ñandejára renondépe”. Upévare, omanóramo guare rey Uzías, Isaías ojepy’apy. Isaías oho tupäópe ha upépe oikümby mba’éichapa omyatyröva’erä hetaite mba’e tetä ñesämbyhy rehegua. Ohecha ÑANDEJÁRAPE guapyha ijyvatetereívape, ijahoja ruguái omyenyhë pe tupäo. Isaías oheka vove Ñandejárape ha ipytyvö, oikóramo térä omanóramo jepe rey Uzías, Isaías ohupytyva’erä heta mba’e ñemyatyrö hetägua ñesämbyhýpe.
Umi serafin-kuéra, tekove tata rendýpe ojoguáva, he’i joa Ñandejára Imarangatuha. Ahenduvaicha che akäme umi serafín ñe’ë hyepúva tupäo korapy rupi, he’ívo: “Imarangatu, Imarangatu, Imarangatu, Ñandejára Ipu’akapáva; yvy tuichakue henyhë heko mimbipágui.” Isaías tekotevëva’ekue oikuaa oïveha heta mba’e ko yvy apére, ndaha’éi tetä ha’e oikohánte. Ñandejára oisëmbyhy opa mba’e ári, ndaha’éi táva Judá añónte upe osämbyhýva. Upévare, Isaías natekotevëi ojepy’apy. Ha’e ikatu oñeñandu kyre’ÿ reheve. Ñandejára oisämbyhy ko yvy ári ha jerekue.
Ñande avei tekotevë ñaikümby tekotevëha ñamyatyrö térä ñamoï hendápe opaite mba’e ñesämbyhy rehegua, kuimba’ekuéra ou ha ohógui; ha katu, Ñandejára akóinte oguapy iguapyha yvatetépe, oisämbyhy ko yvy ape ha ijerére oïva guive. Ha’e oisämbyhy angirü che rendúva, ipo guýpe oï opaite mba’e.
TEMBIASA TEKO ÑEMOPOTÏ REHEGUA upéva Ñandejára Imarangatúva ojerure. Profeta Isaías ohecha rire Ñandejárape, ha ohendu rire umi serafín ñe’ë he’ívo Ñandejára Imarangatuha, pe Profeta he’i: ¡Amanóta! ahecha niko che resatee rupi mburuvicha guasu Ñandejára Ipu’akapávape ha che juru niko naipotïri añe’ë haguä.” Isaías ohechakuaa mba’éichapa oï ha’e, umi tekove tata rendýpe ojoguáva ha Ñandejára Espíritu renondépe.
Isaías he’i rire upéva, peteïva umi serafin oveve ha’e oïha gotyo ha ohupi peteï tatapýi. Upe serafín ogueraha pe tatapÿi ha omoï Isaías juru rehe. Ñandejára oikuaa porä upe Isaías oñandúva: tekotevë heko potï. Upe tatapÿi oïva’ekue altar ojejuka haguépe ovecha ra’y tetägua angaipáre, ha’e añetegua ojeguerúva Isaíaspe. Ha’e ohendu pe serafín he’íramo guare chupe:“Péina kóva ojáma nde jurúre, ojepe’áma ne angaipa, ha umíva ojeheja reíma ndéve.” Umi ñe’ë ogueru angapytu’u Isaíaspe. Pe teko ñemopotï ogueru ñyrö añete Isaías oikotevëva. Isaías ohupyty tembiasa teko ñemopotï rehegua.
Angirü che rendúva, ñande avei ñaikotevë ñande reko ha ñande espíritu potï. Ñandejára ñane ñyrökuaa ha ñanemopotïkuaa: upéva ome’ë ñandéve jajerovia vove Jesucristo rehe ha ñame’ë vove chupe ñande rekove, ha oiko chugui ñande Salvador personal.
TEMBIASA ÑEHENÓI REHEGUA ouva’ekue Ñandejára korasögui. Isaías ipotï rire, ohendu ÑANDEJÁRA ñe’ë he’íva: “Mávapepa amondóta? Mávatapa ñane rembijokuái?” Upéramo Isaíaspe oñehenói ojapo haguä Ñandejára rembipota hetägua apytépe. Nemandu’áke, upe ha’eva’ekue ñepyrüete, Ñandejára ohenoihague heta kuimba’épe ymaite guive ojapo haguä heta mba’e imba’erä. Ñahesa’ÿijomína oñondive upe Profeta Isaías ombohovaiva’ekue. Ha’e ohendúramo guare Ñandejára ñe’ë ha ñehenói, he’i: “Ápe aime. Che jokuái chéve”. Ha’e ikatu oho ohechágui Ñandejárape avei Ha’e omopotïma chupe. Upévare ha’e ombohovái: “Che jokuái chéve” Upémarö, Ñandejára ojokuái Isaíaspe ha he’i chupe: “Tereho.”
Mba’épa ojapóta Isaías? Ohova’erä oñe’ë hetäguáme. Ndikatúi ojapo ambue mba’e. He’i rire Ñandejárape: “Ápe aime. Che jokuái chéve”, ÑANDEJÁRA he’i chupe: “Tereho”, upévare Isaías ndikatúi oguevi. Ndoguerekói mba’erehepa oguevíta térä ojei haguä. ÑANDEJÁRA he’ígui chupe: tereho ha ere ko’ä mba’e ko tetäguápe. Ere chupekuéra: “Pehenduvéramo jepe, ndapeikuaamo’äi pe oje’éva; ha pema’ëvéramo jepe, ndapehechamo’äi”. Ñandejára oikuaa porä hetägua imbegueha ohendu haguä, ndohechaseiha avei ikorasönguéra iñanambusuha.
ÑANDEJÁRA ohekombo’e Profeta Isaíaspe, he’i chupe mba’épa ojapóta ha mba’éichapa ojapóta. Upéi Profeta Isaías oporandu: “Araka’e peve piko peichata, che Jára?” Ejesareko porä upe Ñandejára ombohováiva chupe. Ñandejára he’i chupe: “Umi táva oñehundipa peve, avave ndoikovéi ipypekuéra.” Ñandejára he’iséva Isaíaspe, ojavyha ojapóvo upe porandu. Oñemosarambiva’erä Ñandejára ñe’ë ndaipóri peve avave ohendúva, opaite mba’e opa peve.
Profeta Isaías oikotevë pe Ñandejára ñehenói. Ñandejára oguereko tembiapo imba’erä, ha ojapova’erä hetägua apytépe upe tiémpope. Angirü che rendúva, nde ha che ñaikotevë Ñandejára ñerenói rehe. Ñandejára oguereko tembiapo ñane mba’erä, peteïteïme guarä. Ha oguahë vove ñandéve upe Ñandejára ñehenói ndikatúi jaguevi. Jajapo Ñandejára rembipota omoïva ñane korasöme, ha ñamosarambi iñe’ë opa rupiete, ndaipóri peve avave ohendútava.
Isaías oïhaguéicha tembiasakue apytépe, ñande avei ñaime tembiasakuéra apytépe. Ñande avei ñaikotevë Ñandejára ñande resape’a. Jahechakuaava’erä Ñandejára pópe oïha opaite mba’e, Ha’e osämbyhyha ko yvy ape ári ha ijerére oïva. Tekotevë jahechakuaa ñane angaipa, jajerovia Jesucristo rehe ha tañanemopotï. Jesús omanova’ekue kurusúre ha ogueraha hi’ári ñane angaipa. Kurusúre oñohë huguy, upévare Ha’e añoite ikatu ñane pysyrö. Jesús nemopotï rire ikatúta Ñandejára nerenói ohenói haguéicha Isaíaspe. Mba’épa embohováita Ñandejárape?”
Ñañembo’emína: “Ore Ru, ore Jára, aikümby porä ha opoko che rehe Profeta Isaíaspe rehenói ramo guare. Hesakä chéve, taha’e ha’éva upe oisämbyhýva che retä aikoha, nde Ñandejára reisämbyhyha opaite mba’e. Ore Ru, ore Jára, aikuaa niko aikotevëha remopotï che ánga ha che rekove. Ajerure cheperdona haguä. Ame’ë ndéve che aguije rembou haguére nde Ra’y Jesucristo omano haguä ore rekovia kurusúre ha huguy rupi oremopotïkuaa rojeroviávo hese. Ajerure ndéve opavave ohendúva ko momarandu, tojerovia nde rehe, ha tohupyty py’aguapy ohekáva. Ha toro’e avei he’ihaguéicha Isaías: “Ápe aime aquí; chéve che jokuái.” Ha ne pytyvö rupive torojapo ne rembipota. Ajerure ndéve nde Ra’y Jesucristo rérape. Taupéicha.