Isaías 41:21-29
Ko’ë ko’ëre opavave jaguereko opaichagua problema. Aikuaa nde chéicha avei, reiporavova’erä hetaite mba’e ára ha ára. Oï heta, pe problema oguerekóva tuichaitereígui chupe guarä oho pytyvö rekávo, adivino térä pajeserakuéra rendápe, umíva he’i oñe’ëha ha oguerekoha contacto ambueichagua tekove ndive.
Gentekuéra oikova’ekue umi tiempo bíblico-pe oguerekova’ekue avei problema. Ha’ekuéra ojapova’ekue avei upeichaite, ko’agägua gente ojapoháicha. Ohekava’ekue pytyvö umi oñemongetáva omanómava espíritu ndive. Oï niko tape iporävéva. Profeta Isaías omombe’u ñandéve mba’épa jajapova’erä ha upe he’iva’ekue ko’ágäguápe guarä avei.
Jajuhu upe momarandu, La Biblia, Antiguo Testamentope, Isaías capítulo 41, versículo 21 guive, 29 peve, upépe pe profeta ohai Ñandejára oñemoïha tupägua’ukuérare ha ojerure TOÑE’Ë IJEHEKUÉRA. He’i péicha Ñandejára ñe’ë:
21. Ñandejára, Jacob ruvicha guasu, he’i: Peju mbojovakehápe, peñe’ë pende jehe.
22. Peñemboja pemombe’u pe ojehútava, ha mba’épa he’ise pe ojehuva’ekue. Pejemi torohendu. Pemombe’u pe ojehútava, roikuaa haguä mba’épepa opáta.
23. Peje mba’épa oikóta upe rire, roikuaa haguä peëha Ñandejára. Pejapo pejaposéva, iporä térä ivaíva, oremongyhyje haguä.
24. Peë katu ndaha’éi voi mba’eve ha pene rembiapokue mba’eveténte avei. Ha umi penemomba’éva tekove jaheipy hína.
25. Che amopu’ä chupe yvate gotyo guio ha oúma kuarahy resë guio ahenói chupe héra rupi. Tujúicha opyrü, sämbyhyharakuérare opyrüháicha tujúre adove apoha.
26. Mávapa omomarandu ra’e kóva iñepyrüha guive ikatu haguä jaikuaa? Térä omombe’u ra’e yma guivéma ja’e haguä: “Upéichako hína”? Avave peëva nomombe’úi ha avave nohendúi pejéramo mba’eve.
27. Che raëvete ha’e Sión-pe: “Ápe oï hikuái! Kóina ápe hína!” Ha omondo Jerusalén-pe ñe’ë rerahaha.
28. Ama’ë tupänguéra apytépe ha ndaipóri avave oporombo’éva, ikatu haguä aporandu ha ahendu upe he’íva.
29. Péina upépe hikuái! Ha’ekuéra ndaha’éi mba’eve, hembiapokue ndaha’eí mba’evete asy. Ta’anga nandi reínte hína umíva!
Profeta Isaías oñe’ë hatäva’ekue hetäguáme Ñandejára rérape oñemomombyry gui Ñanderuetégui. Jahechamína ko’ágä MBA’ÉPA he’i upe ñamoñe’ëva’ekue.
OIPURU HAGUÉRE TA’ANGAKUÉRA tuicha oñemongavaju israelitakuérape. Ha’ekuéra oho ta’angakuéra rendápe oikuaaségui ojehútava tenondeve. Mba’épa oikóta? Araka’épa oguahëta? Mba’épa ikatu roha’arö? Mba’éichapa ikatu ohenonde’a umi mba’e oikótava? Ha’ekuéra oikuaaseterei mba’épa ojehúta tenondeve, upévare oheka ha omomba’eguasu ta’angakuérape.
Isaías ohaive ha jajuhu ojejerureha avei ta’angakuérape toñe’ë ha “tahe’i pe ojehuva’ekue”. Tahe’ipa: upe ojehútava ha upe ojehuva’ekue. Tomombe’upa. Anítei oñongatu mba’eve he’i’ÿre. Ñandejára avei ojerure ta’angakuérape tojapo tembiapo; taha’e iporäva térä ivaíva.
Angirü che rendúva, che niko ahamava’ekue museokuéra avisita, umi rupi ahecha heta ta’anga ymaguare, katuete oñemomba’eguasuva’ekue upérö. Isaías oikóramo guare hetägua omomba’eguasuva’ekue ta’angakuéra. Umi ta’anga niko opyta peteï hendápe, nomýiri ni michïmi. Ndikatúi he’i mba’eve, noñe’ëigui. Ndikatúi he’i upe ojehuva’ekue térä ojehútava rehegua. Ndikatúi avei ojapo mba’eve taha’e iporäva térä ivaíva. Ta’anga ndoguerekói pu’aka. Upéicharö, mba’e rehe piko jajepy’apýta umi ta’angáre? Profeta Isaías oñemoï umi ta’anga gua’úre ha oja’o hetäguáme omomba’eguasúva umi ta’ängápe.
OHENÓI GENTE-KUÉRAPE ñembojovakerä. Profeta Isaías tuicha arandu reheve he’i umi omomba’eguasúva tupägua’ukuérape ha’eha ta’ängakuéraicha avei. He’i versículo 24pe: ” Peë katu ndaha’éi voi mba’eve ha pene rembiapokue mba’eveténte avei. Ha umi penemomba’éva tekove jaheipy hína.” Ejepy’amongetamína upévare. Profeta Isaías he’i máva omomba’eguasúva ta’ängakuérape ndaha’eiha mba’eve upe tupägua’úicha. Añetehápe, jajepy’amongetáramo ko mba’e rehe, jahechakuaáta ndovaleiha mba’everä ñamomba’eguasu ta’ängakuérape, noñe’ëiva ha ndikatúiva ojapo mba’eve. Upévare Profeta Isaías he’i: “Ha umi penemomba’éva tekove jaheipy hína”.
Pe ñehenói gentekuérape guarä niko ko’ágä peve oiko. Profeta Isaíasa he’i ÑANDERUETE oiporavo hague peteï oútava norte guio ha kuarahy resë guio ohenói chupe. Upe oútava omomba’eguasúta Ñandejárape. HA’E opyrüta tujúicha sämbyhyharakuérare, ha opyrüháicha tujúre adove apoha. Ko’ä mba’e niko hesakäiterei, Isaías oikóramo guare niko oñembojehe’ava’ekue lodo ojejogapo haguä ha umi omba’a-póva hese oipuruva’ekue ipy opyrü hagua tujúre. Pe alfarero avei ombojehe’a porä haguä tuju térä ñai’ü opyrüva’erä hese. Peichaite avei ojapóta upe jeporavopyre oúva norte guio. Ha’e oúta ojapo haguä Ñandejára rembipota. He’i Isaíaspe: “Che amopu’ä chupe ha oúta.” Kóva ha’e Ñandejára ñehenói hetäguáme Isaías rupive.
Ejesarekomína avei versículo 26pe he’íva, heta porandu Profeta Isaías ojapo. “Mávapa omomarandu ra’e kóva iñepyrüha guive ikatu haguä jaikuaa? Térä omombe’u ra’e yma guivéma ja’e haguä: “Upéichako hína”? Upéi ha’e he’i ndaiporiha avave. Ndaipóri ohendúva iñe’ë ha upévare upe katuete ñahenduva’erä niko Ñandejára ñe’ë. Upeichaite. Israelguakuéra nohendúi Ñandejára oñe’ëramo guare chupekuéra. Ha’ekuéra nohenduiva’ekue, ndojapysakái. Ha’ekuéra oho hape rupi. Upéicha oñehenói tavaguápe.
ÑANDEJÁRA ANGAPYHY ha’e mba’e porä ñaha’aröva. Versículo 27pe jajuhu momarandu porä. Mávapa oúta? Ñandejára he’i: “Ha omondo Jerusalén-pe ñe’ë rerahaha”. Marandu porä Ñandejára retäme guarä. Ha’e oúta hetäguápe, ha’éva tetä Ñandejára oiporavova’ekue imba’erä ha ogueraháta chupekuéra marandu porä.
Oïva’ekue tuicha temikotevë ndaipórigui ome’ëkuaáva angapyhy. Ñandejára he’i Ha’e omaña hague ha ndojuhúi ni peteï. He’i versículo 28pe: “Ama’ë tupänguéra apytépe ha ndaipóri avave oporombo’éva, ikatu haguä aporandu ha ahendu upe he’íva.” ¡Tuicha temikotevë oguerekova’ekue hikuái! Ndaipóri avave ombohovái haguä térä oporombo’e haguä. Upévare Ñandejára he’i omondotaha chupekuéra máva oguerahátava marandu porä.
Upépe oïva’ekue tuicha temikotevë ha nandi. Tupägua’ukuéra ndaha’éi mba’eve. Ndikatúi ohendu. Ndikatúi oñe’ë ha ndikatúi ojapo mba’eve. Upe oïva nandi ha tuicha temikotevë. Upévare, Ñandejára añoite ikatu ome’ë angapyhy, avave ndikatúigui ome’ë. Ñandejára añoite ikatu ome’ë ñandéve angapyhy imaranduhára omondóva rupive, oguerúva marandu porä.
Upémarö, ko’ápe oï moköi mbo’epy tuicháva. Maymáva ta’ängakuéra kuimba’ekuéra ha kuñanguéra ojeroviaha ndaha’éi mba’eve, ndikatúi oñe’ë, nohendúi, ha ndikatúi ojapo mba’eve, ha’ekuéra ndoguerekói pu’aka. Ñandejára rembipota oikóta katuete. Upe marandu porä reruha Ñandejára oiporavova’ekue. Ha’e niko Jesucristo. Chupe añoite ñahenduva’erä. Hese añoite jajeroviava’erä.