Angaipa Rembiapo Rapykuere

hft guarani 2022
Hope for Today (Guarani)
Angaipa Rembiapo Rapykuere
Loading
/
Isaías 59:1-8

Heta jey ñande rekovépe jaheka jepi ambuekuéra tekove ñande trata porä, ha katu ndojehúi upéicha. Ñapensa jepi ambuekuéra ñandetrata vaiha, upévare ha heta mba’ére jajekeha py’ÿiete. Ambuekuéra ñande trata vai jave, ñapensa Ñandejára ikatuha heko jojaha ñane ndive. Ñandejára hekojoja ha jajapo porä jajepy’amongeta vove upéichaha. La Biblia ñanembo’e Ñandejára hekojojaha. Ñandejára Hekojoja ha henyhë poriahurerekógui. Ñandejára henyhë poriahurerekógui hekojoja haguére. Ñandejára ñande poriahurerekógui, ñande ikatu ñañemboja hendápe ñañemoï porä haguä hendive. Upekuévo ñamombe’u chupe ñane remikotevë. Ñañemboja vove Ñandejára rendápe jerovia reheve, Ha’e ñane rendúta ha ñane pytyvöta. Ñandejára oikuaa porä upe ñane remikotevë tuichavéva: ANGAIPA REMBIAPO RAPYKUERE.

Máva natekotevëi iñarandueterei ohechakuaa haguä ko yvy ape ári, katuete oïha mba’e oï vaíva; upe ndikatúiva oikuaa porä mba’épa upe oï vaíva. Ndajaikuaái vove mba’épa upe oï vaíva, añetehápe ndaikatumo’äi ñamoï porä.

La Biblia oguereko mbohovái ñandéve guarä, he’i ñandéve mba’épa oï vai ha mba’éichapa oñemyatyrökuaa. Angaipa oikeva’ekue tekovekuéra ogapýpe. Angaipa
ndohói Ñandejára rembipota ndive. Upéicharö, pe ñemyatyrö ouva’erä Ñandejáragui. Ñande ndikatúi jajapo mba’eve iporäva ñañeha’ävéramo jepe. Opaichagua ñeha’ä nañanepytyvömo’äi mba’everä. La Biblia, Antiguo Testamento, aranduka Isaías capítulo 59, versículo 1 guive 8 peve, profeta omombe’u ñandéve ñemyatyrö hekoite pegua rape. Ñahendumi mba’épa he’i upépe.

1. Ñandejára ndaipo mbykýi ikatu’ÿ haguä oporope’a ivaívagui ha Ha’e ndaijapysapéi ikatu’ÿ haguä ohendu.

2. Pende reko añanguénte pene momombyry Ñanderuetégui ha pene angaipágui Ha’e oñomi hova, nohenduséigui.

3. Pende po iky’apa tuguýpe ha pene kuä, porojukakuégui. Pende jurúgui japu mante osë, pende ahy’ópe ñaña mante hyapu.

4. Mbojovakehápe ndaipóri he’íva añetegua, avave ndohekái hekopeguáva. Japúrente uvei ojerovia, ha ñe’ë japúnte voi ojeporu. Ñañágui ha’ekuéra ipuru’a, ha imemby, porojuka.

5. Mbói rupi’a pe ha’ekuéra omoñenóva ha ñandu renimbo pe ha’ekuéra oipyaháva. Omano umi ho’úva hupi’a, ha ojejoka ramo osë chugui mbói.

6. Umi ñandu renimbógui ndojejapói ao. Ndaipóri ikatúva oñemonde pe ha’ekuéra oipyahávape. Porojukánte voi pe ha’ekuéra ojapóva ha upévarante ipo omongu’e.

7. Ipy’a oipuru pya’e ivaíva rekávo, hagë oporojuka rei haguä. Ñañánte voi pe iñakäme oguerekóva, ha umi ohasaha rupi, ñehundi ha tapere mante oheja.

8. Ha’ekuéra ndoikuaái py’aguapy rape, hekopeguáva ndaipóri hembiapópe. Tape ha’ekuéra oipykúiva ikarë, umi rupi oikóva ndojuhúi py’aguapy.

Ko’ä versículope ajuhu HETA HENDÁICHA angaipa rembiapo rapykuere.

ANGAIPA OMOMOMBYRY kuimba’épe Ñandejáragui, upéva Ñanderuete katuete omyatyröva’erä. Ñandejára ñane renduse ha ñane pysyröse. Mba’érehepa
Ñandejára nopysyröi ha nohendúi? Profeta Isaías he’i ñandéve: “Ñandejára ndaipo mbykýi ikatu’ÿ haguä oporope’a ivaívagui ha Ha’e ndaijapysapéi ikatu’ÿ haguä
ohendu.” Upéicharö, ¿mba’épa pe problema? Angaipa ñanemomombyry Ñandejáragui. He’ive Isaías: “Pende reko añanguénte pene momombyry Ñanderuetégui”. Teko aña niko angaipa. Opaichagua tembiapo vai omomombyry Ñandejárape kuimba’égui. Tembiapo aña ñanemomombyry Ñandejáragui. Angaipa omongañy Ñandejára rova. Profeta Isaías he’i angaipa oñomiha Ñandejára rova ñandehegui. Ñandejára heko marangatúva ndikatúi ohecha angaipa, ndikatúi voi oï angaipa oïhápe, upévare ñane angaipa reheve ndikatúi ñañemboja hendápe.

Ñane angaipa oñomi Ñandejára rova ñandehegui. Angaipa omboty Ñandejára apysa. Ha’e nohendumo’äi. Ndaha’éi ndikatúiva ohendu, nohendumo’äi. Rehechakuaápa, angirü che rendúva, angaipa ñanemomombyry Ñandejáragui. Angaipa omoï pa’ü ha ndikatúi ñañemboja Ñandejára rendápe. Péva ogueru angaipa rembiapo rapykuere.

ANGAIPA OHUNDI kuimba’e rete ha iñapytu’ü, upévare tekovekuéra ñaikotevë Ñandejára myatyrö ha pytyvö. Ehechakuaamína mba’éichapa profeta Isaías oñe’ë ñande retépe jaguerekóvare, peteïteï hembiapo vai. Ha’e he’i: ” Pende po iky’apa tuguýpe ha pene kuä, porojukakuégui. Pende jurúgui japu mante osë, pende ahy’ópe ñaña mante hyapu.” Ñañemongetamína umi irundy mba’e oñe’ëva ko versículope. Profeta Isaías he’i ipokuéra iky’apaha tuguýpe. Ikuänguéra hembiapo aña. Ijurukuéragui japu mante osë. Ha ijahy’okuéragui ñaña mante osë. Ko’ä mba’e ohechauka ñande rete rupive tembiapo va imante jajapo ha ja’e, ndajaguerekói mba’eve iporäva ñame’ë haguä.

Angaipa ombyai tekovekuéra rete, ojapo chuguikuéra tekove anormal. Omo-karë iñapytu’ü avave ohekave’ÿ haguäicha tekojoja. He’ive Isaías: “Mbojovakehápe ndaipóri he’íva añetegua, avave ndohekái hekopeguáva. Japúrente uvei ojerovia, ha ñe’ë japúnte voi ojeporu. Ñañágui ha’ekuéra ipuru’a, ha imemby, porojuka.” Ehechakuaamína mba’eichaite pevépa angaipa rembiapo rapykuere. Tekovekuéra ojapo opaichagua tembiapo vai, avave ndohekavéi hekopeguáva. Iñapytu’ü ha hete mba’e va imante oheka ojapo haguä, upéva oguereu angaipa rembiapo rapykuere.

ANGAIPA OMOSARAMBIVE ANGAIPA upéva oikotevë Ñandejára myatyrö. Ko’ágä profeta Isaías ombojoja angaipa mbói rupi’a ha ñandu inimbo rehe. Mbói rupi’águi osëta mbói ra’y. Umíchagua mymba oguerekóva veneno pya’e oñemoña. Angaipa pya’e isarambi ha oñemoña, upéicha ombohetave angaipa. Profeta Isaías he’i ndaiporiha ao ikatúva omo’ä angaipa. Ñandu inimbo ndovaleiháicha mba’everä, opaichagua tembiapo ndovaléi omo’ä haguä angaipa.

Japu ha jejahéi mante oï tekovekuéra akäme. Pya’e pya’e oiko hembiapo vai haguä. Oporojuka ipy’apýpe oïgui aña rembiapo. Hemimo’äkuéra naiporäi. Ñehundi ha jejahéi hapekuérare jajuhu. Ha’ekuéra ndoikuaái py’aguapy rape. Ndohekaiete voi tekojoja. Profeta Isaías he’i: “oimeraëva oguatáva hapére ndojuhumo’äi py’aguapy añeteguáva”

Angirü che rendúva, angaipa omosarambi ha omoheñói angaipa, upéva ivaieterei. Umi ñembojoja ojejapóva niko ojehechakuaa haguä angaipa i-venenosoha mboikuéraicha ha ñandú inimbo ndikatúi reipuru ejeaho’i haguä, péicha avei ndaipóri tembiapo iporävéva ikatúva omo’ä angaipa.

Angaipa ñanemomombyry Ñandejáragui. Angaipa ohundi tekovekuéra rete ha apytu’ü, péicha avei angaipa omosarambi ha omoheñói angaipa. Angaipa rembiapo rapykuére Ñandejára añoite ikatu omyatyrö. Ñandejára Ipu’akapa, ohenduse ñane mba’ejerure jahekávo ipysyrö ha ipytyvö. Ejerovia JESUCRISTO rehe ha eme’ë chupe nde rekove. Ha’e omanova’ekue kurusúre ohepyme’ë haguä ñane angaipáre. Eheka Jesucristope ko árape voi.

Receive Weekly Encouragement

Sign-up to get a sermon straight to your inbox on a weekly basis!