Isaías 28:9-17
Maymáva túva niko ojepy’apy ita’ýrakuérare ha itajyrakuérare. Upéicha avei oipota upe iporävéva chupekuéra guarä. Omba’apo ko’ë ko’ëre oñeha’ävo ome’ë haguä chupekuéra upe oikotevëva. Aguerovia pastor-kuéra hembiapo hekopeguáva oipotaha umi ohóva guive tupäópe okakuaa espiritualmente. Ha’e avei oipota upe iporävéva chupekuéra guarä. Mburuvichakuéra hembiapo katupyrýva avei oipota hetäyguakuéra oiko porä, oha’arögui hembiapo rupive oikóva guive itáva térä hetäme oho porä chupekuéra.
Ñande tavayguáicha ñañeha’äramo upe iporävéva ambuekuérape guarä ha jahechauka upéva ñane ñe’ë ha ñane rembiapo rupive iporäitéta. Ha katuete Ñandejára ohayhu ha oipota upe iporävéva hetäygua Israel ha opavavépe guarä.
Profeta-kuéra Israel pegua omombe’uva’kue chupekuéra LA PREOCUPACIÓN DE DIOS POR SU PUEBLO. La Biblia, Antiguo Testamentope, aranduka Isaías capítulo 28, versículo 9 guive 17 peve, jajuhu mba’épa Ñandejára ojapo oipytyvöségui hetäguáme:
9. Mávapepa ohekombo’ese ha mávapepa omombe’use umi mba’e Ñanderuete ohechaukamava’ekue ichupe. Umi opo’o ramóva, isy kámagui ojepe’a ramóvapepa?
10. Ha katu, tembiapoukapy tembiapoukapy ári, apopyrä apopyrä ári, pa’ü pa’ü rire, tysýi tysýi ári, mbovymi upépe, ambue mbovymi amo;
11. Ha’ekuéra ndoikuaaséiramo mba’eve Ñandejára oñe’ëta ko tetäguápe ñe’ë karë ha ñe’ë ambuépe.
12. He’imava’ekue voi chupekuéra: “Ápe oï py’aguapy, ápe oï pytu’u; topytu’u ikane’öva” ha ndoikuaaseiva’ekue mba’eve.
13. Upévare Ñandejára oñe’ëta chupekuéra, tembiapoukapy tembiapoukapy ári, apopyrä apopyrä ári, pa’ü pa’ü rire, tysýi tysýi ári, mbovymi upépe, ambue mbovymi amo; oho peve hikuái ha ho’a ovayvávo, oñehunga, ojejura ha opyta iñuhämenguéra.
14. Upévare pejapysaka poräkena Ñanderuete ñe’ë rehe, peë mburuvichakuéra pejopy reíva Jerusalén guakuérape otï’ÿre.
15. Peë pejékuri: Ore roñembopy’a peteï ñemano ndive, ha omanóva retäygua ndive rome’ëma avei ore ñe’ë; ágä oguahë vove pe jehavira ku yvytu vaietéicha, ndaorerupytymo’äi, ore roiporavo pe japu ore ñemo’ä ramo, ha ñembotavy rokañy haguäme;
16. Upévare pende Ruete, pende Jára péicha he’i: Peikuaa poräke, che amboguapýma Sionpe, peteï ita óga guasu rapóramo, peteï itaguasu ojeporavopyre hepýva, pe óga rapo oku’e’ÿva rehegua; upe ojeroviáva hese noñehundimo’äi.
17. Pe óga ñemopu’äme, mopu’ähára ramo aiporúta tekojoja; ha jojara’äha ramo mba’e hekopeguáva. Upe kañyha peë pehekave’kue, japu oïháme, ohundíta amandáu, ha y oguerahapáta upe peñemo’äha.
Ko’ápe jajuhu TEMBIAPOKUÉRA Ñandejára ojapóva ohechaukávo poriahurereko hetäguáre.
ÑANDEJÁRA OME’ËVA’EKUE TEMBIAPOUKAPY HESAKÄ PORÄVA. Imbo’epy ha’eva’ekue mitänguérape guarä. Ñandejára voi oporanduva’ekue: “ Mávapepa ohekombo’ese ha mávapepa omombe’use umi mba’e Ñanderuete ohechaukamava’ekue ichupe?”, Ha upéi omyesakä pe imbo’epy ha’eha mitänguérape guarä térä umi heko mitäichavape guarä. Mitänguéra niko pya’eterei oikümby. Ha’ekuéra umi ojehekombo’étava ha ojehesape’átava, ojehechaukava’erä chupekuéra oikuaa haguä mba’éichapa ojapova’erä. Upévare Ñandejára oñe’ë hesekuéra mitäicha térä tekovekuéra mitäicha hekóva.
Mitänguérape oñembo’e oje’e jey jeývo chupekuéra heta mba’e. Upévare niko Israel guápe oñeme’ë “tembiapoukapy tembiapoukapy ári, tysýi tysýi ári, mbovymi upépe, ambue mbovymi amo” Opavave ombo’éva mitänguérape oikuaa upeicha ojejapova’eräha. Mitä omombyta iñakäme he’i jey jeývo. Upéicha mitä oaprende.
Ñandejára ojapo upéva ohechauka haguä hetäguáme oiporiahurerekoha chupekuéra oipotágui oikümby hembipota. Tekotevë niko ha’ekuéra oikuaa Ñandejára Ñe’ë ha hembiapoukapy. Ñandejára retäygua tekotevë oikuaa, peteï mitä tekotevëháicha oleekuaa. Upévare, ÑANDEJÁRA ñe’ë ha’eva’ekue chupekuéra guarä tembiapoukapy tembiapoukapy ári. Ha’ekuéra tekotevëva’ekue oikuaa mba’épa ha mba’éichapa ojapova’erä Ñandejára rembipota.
Umi tembiapoukapy hesakä poräva rupive Ñandejára oguerekova’ekue peteï propósito. Hetägua oikuaa porä ramo Ñandejára rembiapoukapy, oikuaa poräta avei opyrüramo upe tembiapoukapy rehe. Israelitakuéra upéva ojapo: oho hikuái ha ho’a ovayvávo, oñehunga, ojejura ha opyta iñuhämenguéra.
Ñandejára ome’ë ñandéve iñe’ë marangatu “La Bíbliape” jaikuaa haguä hembipota avei jaikuaa haguä mba’épa jajapova’erä.
ÑANDEJÁRA HE’IMAVA’EKUE OUTAHA ÑEHUNDI IVAIETÉVA. Iñextraño niko Ñandejára ome’ë hembiapoukapy tuicha poriahurereko reheve ha upéi he’i oikotaha ñehundi ivaietéva ha tuichaitéva. Ha katu, iporä jahechakuaa mávapepa omondova’ekue upe ñehundi tuichaitéva. Omondova’ekue kuimba’ekuéra oñembohorývape. Versículo 14pe he’i: “Upévare pejapysaka poräkena Ñanderuete ñe’ë rehe, peë mburuvichakuéra pejopy reíva Jerusalén guakuérape otï’ÿre.” Umi kuimba’ekuéra oñembohorýva ha notïriva niko he’i ijehe ndoguerekoiha temikotevë.
Umi kuimba’ekuéra oñembohorýva ha notïriva niko oisämbyhyva’ekue Ñandejára retäguáme Jerusalénpe. Ha’ekuéra ojerovúgui he’iva’ekue oñembopy’a peteïmahague ñemano ndive ha omanóva retägua ndive ome’ëma iñe’ë. Umi sämbyhyharakuéra oimo’ä mano ha aña retä ndoguerotyryrymo’äiha chupekuéra.
Avei oimo’ä ndohupytymo’äiha chupekuéra jehavira ha ñehundi oútava hi’arikuéra. Profeta Isaías katu, he’i hesekuéra hikuái oiporavohague japu iñemo’äharö ha
ñembotavy okañy haguä. Upévare, Ñandejára he’iva’ekue chupekuéra omondotaha jehavira ha ñehundi nde tuicháva.
Ñandejára he’iva’ekue hetäguáme omondotahague ñehundi tuichaitéva hi’arikuéra, umi jerovu reheve naiñe’ërendúiva chupe. Upéicha niko oimeraë tiémpope térä generación-peguarä. Ñandejára hekojojágui ojerure ñane ñe’ërendu haguä chupe, Ha’e he’ímagui ñandéve Iñe’ë rupive hembipota, ñande rayhúgui ha ñande poriahurerekógui.
ÑANDEJÁRA OME’ËVA’EKUE IÑE’Ë OMBOPYAHUTAHA OPAITE MBA’E HA UPÉVA IPORÄVÉTA. Ñandejára upekuévo ohechauka iporiahurereko hetäguáre. Ha’e oguerekova’ekue peteï ita fundacional particular. Versículo 16pe Ñanderuete he’iva’ekue: “che amboguapýma Sionpe, peteï ita óga guasu rapóramo, peteï itaguasu ojeporavopyre hepýva, pe óga rapo oku’e’ÿva rehegua.” Pe tenda réra oñemombe’u. Héra Sión. La Bíbliape jajuhu peteï tenda hérava Sión. Opavave jaikuaa moöpa oï upe tenda. Ko’ágä héra Jerusalén. Sión-pe pe ita óga guasurä oñemoïta.
Upe ita óga guasu rendarä niko oguereko heta cualidad. Ha’e ita ojehechakuaámava añeteteha. Upévare, ha’e ita ijojaha’ÿva, ita oku’e’ÿva oñemohendáta hi’ári óga guasu. Ipyrenda iseguro porä. Ko’ä mbohapy cualidad jajuhu pe ita guasu ojeporavopyre hepýva Ñandejára oipurútava omopu’ä haguä óga iporävétava: ojekuaámava añeteha, ijojaha’ÿva ha oku’e’ÿva.
Ñandejára hekojojágui ombopyahúta opaite mba’e ha umíva tuicha iporävéta. Upéva hesakä porä ko’ápe. Versívulo 17pe he’i: “ Pe óga ñemopu’äme, mopu’ähára ramo aiporúta tekojoja; ha jojara’äha ramo mba’e hekopeguáva.” Upeva he’ise ndaiporimo’äiha ñemoambue, noñemohenda vaimo’äiha ni jejavy. Oñemohendáta Ñandejára marangatu rupive. Ndaiporimo’äi tesarái ni jehejarei. Ñandejára oipurúta tekojoja ha jojara’äha ramo mba’e hekopeguáva. Umíva niko ñe’ë oipurúva umi óga mopu’ähára. Pe nivel térä jojara’äha niko katuete ndojavýi.
Pe ñemopu’ä pyahu tuichaitéva oiko jave, upe itujáva ojogueraháta he’iháicha versículo 17 pahápe: “Upe kañyha peë pehekave’kue, japu oïháme, ohundíta amandáu, ha y oguerahapáta upe peñemo’äha.” Opaite mba’e ha’ekuéra ojerovia hague oñehundipáta, ágä pe Ñandejára ñemopu’ä pyahu ha iporäitéva oïmba vove.
Upéicharamo, Ñandejára ome’ëva’ekue iñe’ë omopu’ätaha mba’e pyahu ha iporäitéva, ndoku’emo’äiva araka’eve ágä hekojoja ojehechaukapa vove. Ñandejára oipota hetäygua ojerovia pe ita guasu oku’e’ÿva poravopyre rehe. Ñandejára hembiapo ymaite guive hetäygua ndive henyhëgui mborayhu ha poriahurerekógui hesekuéra.