Isaías 14:12-17
Peteïva umi mba’e tuichavéva jaikuaáva Ñandejáragui niko HA’E hekojoja ha Imarangatu, opa árape guarä. Ñandejára ndikatúi ojogueraha angaipa ndive, ndohasareimo’äi avei. Máva ohechakuaáva iñangaipa oñemboja vove Ñandejára rendápe ha ojerure chupe pysyrö, Ñandejára operdonáta chupe. Añetehápe, Ñandejára Hekojojáva ha Imarangatúva operdonáta upe oñembojávape hendápe pysyrö rekávo.
La Biblia ñanembo’e avei Ñandejára ñande poriahurerekoha opavavépe, upévare ñane perdonase ha máva ojeruréva chupe perdón oguerekóta ñyrö ha py’aguapy. Ñandejára hekojoja ha Imarangatu haguére ndikatúi oheja-réi angaipa térä tembiapo vai, umíva ojekastigava’erä katuete. Hekojoja niko opa árape guarä. Péicha avei Ñandejára Poriahuvereko opa árape guarä. Ñandejára Iporiahurereko hekojojágui. La Biblia ha’e upe Ñandejára oipurútava ojusga haguä opavave jaikóva ko yvy ape ári, ha upéicha avei ohechaukáta iporiahurereko ha hekojoja.
La Biblia rupive Ñandejára ojekuaauka ñandéve. Jaikóva guive ko yvy ape ári, ñane tiempo oñepehe’ë moköi pa’üme: ohasava’ekue ha upe ojehútava (pasado ha futuro). Ñandejára ojapo ypyva’ekue Adán ha Evape. Omoï chupekuéra yvaty Edénpe. Pya’ete, upéi oñemboja ambue Ñandejára rembiapokue ombyaiséva Ñande Apohare rembiapo poräite. Antiguo Testamentope, aranduka Génesispe, capítulo 3pe, oñehenói chupe mbói. Ñanderuete ndohejareíri hembiapo vai, otenta haguére Adán ha Evape opeka haguä.
La Bibliape heta hendápe jajuhu terakuéra oñeme’ëva upe mbóipe. Umíva niko: Satanás, diablo, príncipe de este mundo, príncipe de la potestad del aire, ha dragón.
Antiguo Testamento, aranduka ohaiva’ekue Profeta Isaías, capítulo 14, versículo 12 guive, 17 peve, jajuhu mba’éichapa SATANÁS HO’A RAKA’E.
12. ¡Mba’éicha rupi piko yvágagui re’a mbyja ko’ë! Ne mona hikuái yvýre, tetänguéra rehe nde pu’akámiva.
13. Eréva nde jupe nde py’apýpe: Yvága peve voi ajupíta, yvága Jára mbyjakuéra ári amopu’äta che mburuvicha guapyha, ha jarakuéra oñembyatyhápe pe yvyty guapyhápe opytáva nórtepe upépe aguapýta che.
14. Arai ijyvatevéva ári ajupíta che, ha aikóta pe Jára ijyvatetévaicha.
15. Ko’ágä katu rejeity omanómava retäme, pe hugua mombyryvehápe.
16. Ha upe nderecháva guive ijurujái ha ome’ë porä jave nde rehe he’íta: Ko kuimba’e kóva omboryryiva’ekue pe yvy ha omyangekóiva’ekue tetänguérape;
17. ohejava’ekue pe yvy ape ku yvy perövaicha, ombyaíva itavakuéra, ha umi oñemosäva’ekuépe araka’eve ndopoiriva’ekue.
Profeta Isaías omombe’u mba’éichapa Satanás ho’a raka’e, ha upéva omohenda mbohapy etapa-pe, upévare ñande ndajakyhyjeiva’erä chugui.
HO’A OÑEHA’ARÖ’YRE YVÁGAGUI kóva ha’e primera etapa Satanás ho’áramo guare. Ko texto-pe oñehenói chupe Mbyja ko’ë (Lucero). Idioma hebreo-pe ñe’ë Lucero he’ise “hijo de la mañana” – ko’ë ra’y. Jahechakuaaháicha, iporäitereiva’ekue. Upéva omyesakä mba’érepa oñehenói chupe ko’ë ra’y. Ambuekuéra Ñanderuete rembiapokue ohecharamoiténe ra’e chupe. Ha’e katu, ho’a yvágagui.
Upéva jajuhu versículo 12pe he’ihápe kóicha: ” ¡Mba’éicha rupi piko yvágagui re’a!” Upéva he’i ñandéve oguereko hague henda Ñandejára ndive yvágape, upéi ho’a yvýpe. Ko versículo rupive jahechakuaa henda ha tembiapo ojapóva ombohape ho’a haguä oñeha’arö’ÿre. Hasy ho’a haguä máva henda yvatéva. La Biblia he’i ñandéve ho’a hague, ñamoñe’ë pe porandu he’íva: “¡Mba’éicha rupi piko yvágagui re’a mbyja ko’ë!” Upéva ohechauka ñandéve ho’a hague oñeha’arö’ÿre.
OJEROVU péva ha’e pe segunda etapa Satanás ho’a haguä. Pe Profeta Isaías 5 jey he’i upe Satanás he’iva’ekue: “che ajapóta”. Versículo 13 pe jajuhu: “Yvágape ajupíta.” He’ise ha’e ndopytamo’äiha yvy rupi. Upéi he’ive: “yvága Jára mbyjakuéra ári amopu’äta che mburuvicha guapyha,” “ha jarakuéra oñembyatyhápe pe yvyty guapyhápe opytáva nórtepe upépe aguapýta che.” “Ajupíta umi arai ijyvatevéva ári;” ha, ipahápe: “ha aikóta pe Jára Yvatetévaicha.”
Ko’ä mba’e he’i ojerovúgui. Ha he’i ijehe oñemoïtaha Ñandejára rekovia. Upéva iñextraño, peteï Ñanderuete rembiapokue oñemoïse Ijapohare rekovia. Satanás ojerovu ha oñemoï Ñandejárare, ojupiséva’ekue Ñanderuete Yjyvatetéva oïhápe.
ANGAIPA REPY ÑEMOKARE’YVA ha’e pe etapa final Satanás je’ápe. Upéva jajuhu ha hesakä porä versículo 15pe, he’ihápe: “Ko’ágä katu rejeity omanómava retäme, pe hugua mombyryvehápe.” Hesakä porä upéva. He’i mbarete porä voi upe ojehuva’ekue. Ha katu oï heta ndogueroviáiva upe yvate oïva’ekue ho’a hague yvágagui omanómava retäme, hugua mombyryvehápe.
Ñandejára ñe’ë naikarëi. Oï ojapova’ekue porandu kóichagua: “Ko kuimba’e kóva omboryryiva’ekue pe yvy ha omyangekoiva’ekue tetänguérape?” He’ive Ñandejára ñe’ë: “ohejava’ekue pe yvy ape ku yvy peröicha, ombyaíva itavakuéra, ha umi oñemosäva’ekuépe araka’eve ndopoíriva’ekue “.
Satanás oguereko hi’ári pe “condena inflexible” – angaipa repy ñemokare’ÿva, oguahë vove pe tiempo ho’áta hi’ári, Ñandejára upéicha he’ígui. Jagueroviava’erä upéicha ojehutaha. Ñandejára he’íva, oikóta katuete. Angaipa repy ñemokare’ÿva oúta Satanás ári, ojerovúgui ha oñemoï Ñandejárare.
Satanás opaichagua angaipa ru ha opavave angaipa apoha ru avei. Jesús peteí jey he’iva’ekue umi oïvape ijypýpe: “Peë ningo Satana ra’ykuéra”. Che aguerovia La Biblia, Ñandejára ñe’ë he’íva ha upéva ha’ekuaa oguahëtaha peteï ára Satanás ndikatumo’äveimaha ojapo mba’eve. He’íramo jepe heta mba’e ijehe, oguereko peteï condena inflexible hi’ári. Ñandejára Ipu’akapáva ñande Apohare ñanemombaretéta jagueropu’aka haguä japu he’íva guive ha py’ara’ä omombóva jepi ñande reity haguä. Ñandejára Ipo Pu’akapa rupive ñande jokóta. Tekotevë ñamaña Ñandejárare, jaheka chupe ko’ë ko’ëre ñembo’e rupive ñanemombarete haguä.