Oguejýramo Ñandejára

Hope for Today (Guarani)
Hope for Today (Guarani)
Oguejýramo Ñandejára
/


Heta oï o-desafiáva Ñandejárape ohecha vove ivaietereiha umi mba’e ijerére
oïva. Ha he’i: “Mba’érepa Ñandejára ndojapói mba’eve?” Ha’ekuéra oimo’ä
Ñandejára omombe’uva’eräha chupekuéra upe Ha’e ojapóva py’ÿiete. Ha’ekuér
oikümbyva’erä ndaha’eiha Ñandejára responsabilidad umi mba’e kuimba’ekuéra
ojapova’ekue térä ohejava’ekue ojapo’ÿre. Ko yvy ape ári ha ijerére oïva niko
Ñandejára mba’e, ipoguýpe oïmba ha HA’E oúta peteï árape, péicha avei
omoïmbáta opaite mba’e hendaitépe.
OGUEJÝRAMO ÑANDEJÁRA upéicharö hetaite mba’e ojehúta. Profeta
Isaías omombe’u ñandéve mba’épa ojehúta upéva ojehu vove ha ñamoñe’ëta
Isaías, capítulo 64, versículo 1 guive 12 peve, upéva oï Antiguo Testaméntope.
He’i kóicha:
1 Hánga’u, remondoro yvága ha reguejy! Umi yvyty ne renondépe
hykupáta.

  1. Tata ohapyháicha javorái, térä y ombopupu! Upérö nde rehe ija’e’ÿva
    oikuaáne nde réra, ha tetänguéra ne renondépe oryryipáta.
  2. Rejapóramo guare hechapyräva noñeha’aröiva’ekue.
  3. Araka’eve noñehendúi ha ndojehechaiva’ekue oïha Ñandejára,
    ndaha’éiva nde, ojapóva mba’e ko’äichagua, umi hese ojeroviáva rayhuhápe.
  4. Nde rerohory upe ipy’aite guive hekojojávape ha imandu’a ojapo
    haguä ne rembipota. Nde pochyva’ekue rojapohaguére ivaíva. Ymaite
    guivéma ropu’ä mante roikóvo nde rehe.
  5. Opavave ore ky’ava’ekue, ore rekopotï trapo ky’ápe ojogua. Yvyra
    rogue pirukuéicha ro’a ha ore rembiapo vaikue oregueroveve yvytúicha.
  6. Ndaipóri ohenóiva nde réra, ndaipóri oñeha’äva ojeko nde rehe.
    Upévare rekañy orehegui ha orereja ore rembiapovaikue poguýpe.
    1
  7. Opáichavo, ore Jára, nde hína ore Ru. Ore ningo pe ñai’ü nde pópe,
    ha nde ore Apohare, opavave niko ne rembiapokue.
  8. Anína nde pochyeterei ore ndive ha nemandu’a mante ore rembiapo
    vaikuére. Ore ningo ne retäygua!
  9. Nde táva marangatúgui oiko yvy ojeiko’ÿha, Jerusalén oñehundi ha
    oiko chugui tapere.
  10. Ore tupäo omimbipáva ore rukuéra nemomba’eguasu haguépe,
    okaipa hese. Opa mba’e rohayhuetévagui oiko yty aty.
  11. Ha opa ko’ä mba’e renondépe, ore Jára, nde rejapomo’äi piko
    mba’eve? Rekirirïtante piko ha ore motïndýta ipahaite peve?
    Profeta Isaías oñembo’e ha omba’ejerure Ñandejárape. Ha Ñanderuete
    oguejýramo, oï heta mba’e OJEHÚTAVA, umi mba’e oñemombe’u ñandéve ha
    ko’ágä jahechakuaáta.
    Ñandejára oguejýramo, JAHECHÁTA ÑANDERUETE PU’AKA
    TUICHAITÉVA. Ko yvy ha ipype oïva guive noñeñanfu porämo’äi. Profeta Isaías
    he’i Ñandejára oguejýramo yvytykuéra hykupaitéta henondépe, umíva
    isarambipáta Ñandejára Ipu’akapáva renondépe. Ykuéra opupupáta. Ñandejára
    oguejýramo opaite mba’e ko yvy ape arigua iñambuepaitéta. Jahecháta Ñandejára
    pu’aka tuichaitéva omba’apóvo ñaimo’ä’ÿháicha.
    Ndaha’éi niko umi mba’e ko yvy ape ári oïvante upe noñeñandu porämo’äiva,
    tetänguéra avei oryryipáta. Profeta Isaías he’iva’ekue umi Ñandejárare ija’e’ÿva
    oikuaataha upe ára héra ha mávapa Ha’e. Héra oikuaa poräta umi ndocha’éiva
    hese, umi oñemoïva Ñandejárare oikuaáta mávapa Ha’e. Umi he’íva Ñandejára
    ndo-existiriha oikuaáta Ha’e oikoha, Ñandejára oguejy vove. Ha’e oikuaaukáta
    héra chupekuéra ha tetänguéra oryryipáta Ñandejára renondépe. ¡Upeichaite,
    angirü che rendúva! Ñandejára oguejýramo jahecháta ipu’aka tuichaitéva.
    Avei, Profeta Isaías omyesakä ñandéve avave ndikatuiha oikuaa upe
    Ñandejára ojapótava térä upe Ha’e oimo’äva. Jajuhu aranduka Isaíaspe kóicha:
    “Araka’eve noñehendúi ha ndojehechaiva’ekue oïha Ñandejára, ndaha’éiva nde,
    ojapóva mba’e ko’äichagua, umi hese ojeroviáva rayhuhápe”. Upeichaite,
    ¡ñamomba’eguasu Ñandejárape! Ñanderuete oguejýramo jahecháta ipu’aka
    tuichaitéva, ko’ágä rupi oha’aröva ome’ëgui ñandéve tiempo jaheka haguä chupe.
    Ñandejára oguejýramo JAHECHAKUAÁTA ÑANDE REKO MBORIAHU
    VAIETE. Ñande niko akóinte jajapo angaipa, upéva ñanemomandu’a Profeta
    Isaías. Ñande niko ñaime mombyry Ñandejáragui ñaimégui angaipápe. Ñande
    ñambopochy Ñandejárape py’ÿiete ñane rembiapo vaígui. Ñande rekove mboriahu
    vaiete rupive niko ndikatúi jaguerohory Ñandejárape. Upeichaite, profeta Isaías
    he’i: ” Opavave ore ky’ava’ekue, ore rekopotï trapo ky’ápe ojogua.” Ndajaguerekói
    ni peteï tekojoja ñaguahë haguä Ñandejára renda peve. Umi mba’e ñande
    ñaimo’äva iporäha Ñandejára renondépe niko ojogua trapo ky’ápe.
    Ni peteïva ñane rembiapo vaicha iporäva ndovaléi Ñandejára renondépe.
    Ñande rekove ojogua yvyra rogue pirukuéicha ho’ávape ha ñane rembiapo vaikue
    katu ogueroveve yvytu. Ñande jahechakuaáta ñande reko mboriahuha Ñandejára
    oguejýramo, upekuévo jajehechapaitéta mba’éichapa ñande reko ky’a.
    Upéi, Profeta omyesakä oïha avei jepy’apy’ÿ ha kyhyje’ÿ. Ndaipóri ohenóiva
    Ñandejára réra. Ndaipóri oñeha’äva ojapo tembiapo porä. Ha’ekuéra ovy’a
    hembiapo vaikue poguýpe. Oñemomombyryve Ñanderuetégui. Ñandejára nomÿi
    rire iporiahuvereko rupive, ha’ekuéra oñehundipava’erämo’ä iñangaipápe.
    Angirü che rendúva, ñande reko mboriahu niko ohechauka ñane angaipa,
    reko ky’a ha jepy’apy’ÿ. Tekotevë jaheka Ñandejárape ha jajerure chupe
    tañanepytyvö ko árape voi. Upeichaite, nañaha’aröiva’erä. Ñandejára oguejýramo,
    jahechakuaáta ñande reko mboriahuha.
    Ñandejára oguejýramo JAJERURE’ASÝTA CHUPE TAÑANDE
    PORIAHUVEREKO. Opavave jajeruéta sapukáipe ha pya’e voi. Jajeruréta chupe
    ohaiháicha Profeta Isaías: “Opáichavo, ore Jára, nde hína ore Ru.” Aníke
    nderesarái ñaimeva’erä oñondive. Ñandejára niko imandu’a ñande rehe. Ha’e
    ndahesaráiri; Ha’e oguereko memoria opave’ÿva ha Ha’e oguereko opaite mba’e
    ipoguýpe. Ha’e ojapo opaite mba’e hembipota oiko haguäicha. Ñane
    mba’ejerure’asy chupe guarä katu ha’éta: nemandu’ákena ore rehe!
    Upémarö, Profeta Isaíasi ojerure Ñandejárape imandu’a haguä
    iporiahuvereko rehe. Ani haguä Ñandejára ipochyeterei hetägua ndive. Anítei
    imandu’aiterei hembiapo vaikuérare. Ojerure chupe oñyrö haguä hetäguáme
    tuichágui iporiahuvereko. Ñandejára mandu’a ha poriahuvereko ojogueraha
    oñondive, oñomoirú. Ñandejára oikuaa porä mba’érehepa oñe’ë chupe Profeta
    Isaías ha ojerure’asy chupe ani haguä hesarái hetäguágui, ha’éva hembiapokue.
    Profeta Isaías ojerure Ñandejára tomýi. Imandu’a chupe iñe’ëme’ë
    hetäguáme. Upépe oï upe táva Ñandejára he’iva’ekue héra omoïtaha. Upe táva
    oñehundi ha oiko chugui tapere ha yvy ojeiko’ÿha. Profeta ojerure Ñandejárape
    imandu’a haguä upe távare ha pe tenda Ñandejára tupäo oïhaguépe. Upe tenda
    ituvakuéra omomba’eguasu haguépe Ñandejárape okaipa. Profeta Isaías
    ojerure’asy Ñandejárape omyatyrö haguä hetä ha oipytyvö haguä hetäguáme.
    Ñandejára oguejýramo, jajerure’asýta chupe sapukáipe tañandeporiahuvereko. Ñaguahëkuaa hendápe ñañemopyrendávo imandu’a ha iporiahuvereko
    reheve. Ha péicha jajerure chupe tañaneperdona. Tekotevë ñañemboja Ñandejára
    rendápe ha jajerure chupe tomopotï ñande rekove ky’a, toperdona ñane angaipa.
    Ñandejára ñane rendúta ñañembojáramo hendápe py’amirï reheve,
    jahechakuaávo ñaikotevëha hese. ¡Ñandejára tanderovasa!