Ndaipóri Ñandejára Javegua

hft guarani 2022
Hope for Today (Guarani)
Ndaipóri Ñandejára Javegua
Loading
/
Isaías 40:25-31

Ymaite guivéma kuimba’ekuéra heta oñeporandu Ñandejárare. Oï oñeporandúva: oï piko heta jára? Péicha avei oï heta ogueroviáva oïha heta jarakuéra. Upévare, oñeha’ä ojapo ta’änga opaichaguáva ha opaichagua mba’égui avei, upe ojuhu pya’evévagui.

Ambuekuéra katu oñeporandu: mávapa upe jára tenondevegua? He’i ha’ekuéra oïva’eräha peteï jára ha’evéva, tuichavéva ha ikatupyryvéva ambuekuéragui. Jeheka kuimba’ekuéra ojapóva rupive ndohupytýi mbohovái. Upémarö ha’ekuéra ojapo ta’ängakuéra oñeñandu porä haguä. Umi ta’ängakuéra apytépe oï tuicháva, oï michïva, oï hepýva, oï iporäva térä overapáva. La Biblia añoite omombe’u ñandéve mávapa Ñandejára ha mba’erehepa Ha’e Tuichave. Ijykére ndaipóri ha’eichagua.

Profeta Isaías ohaiva’ekue NDAIPORIHA ÑANDEJÁRA JAVEGUA. Upe momarandu jajuhu Isaías capítulo 40, versículo 25 guive 31 peve, Antiguo Testamento, Bíbliape. Ñamoñe’ëmína ko’ágä:

25 Ñandejára Imarangatúva oporandu: Mávare piko chembojojáta añembojoja haguä hese?

26 Pejesaupi ha pe ma’ë. Máva piko umi mba’e apohare? Pe he’íva peteïteïme hembiaporä ha héra rupi ohenói. Ha’e ipokatu ha ipu’aka mbarete rupi ndaipóri ou’ÿva ijapytepekuéra.

27 Mba’ére piko ere, Jacob, ha ere jey nde Israel: Ñandejára ndacherechakuaái. Ñandejára mba’eve ndoikuaaséi chehegui?”

28 Ndereikuaái nga’u piko? Araka’eve piko nerehendúi Ñandejáraha, opa ára Ñandejára? Ha’e ojapo ko yvy tuichakue, ndaijuku’ái, naikane’öi, iñarandu ndaijapýrai.

29 Ha’e omokyre’ÿ ikane’övape, ikangývape omombarete:

30 Mitärusu jepe ijuku’a ha ikane’ö, karia’y oñepysänga ha ho’a;

31 ojeroviáva Ñandejárare katu ikyre’ÿ jeýta ha taguatóicha ovevéta. Ijuku’a’ÿre oñaníta ha oguatáta ikane’ö’ÿre.

Ko’ápe profeta Isaías omombe’u ñandéve TEMBIASA ndetuicháva Ñandejára ojapóva. Umi mba’e ñande resape’ava’erä jahechakuaa haguä ndaiporiha Ñandejára javegua.

IPU’AKA IJOJAHA’YVA upéva omombe’u ñandéve ndaiporiha avave Ñandejára ichagua. Profeta Isaías oipota jajesaupi ha ñama’ë, jahechakuaa haguä Ñandejára rembiapokue. Ejesaupi ha ehechakuaáta Ñandejára ojapohague yvagakuéra ha mbyjaita oïva ipype. Ha’e ojapova’ekue jasy, kuarahy ha peteïteï umi mbyjaita jahecháva ha ndajahecháiva yvatete oïva. Ñandejára ojapopa umíva. Omohendapaite umívape ha oïmba upépe. Heta ary aja oïmba hendaitépe.

He’i profeta Isaías: “Pejesaupi ha pe ma’ë. Máva piko umi mba’e apohare? “Eipapa ikatúramo. Eipapa peteïteï. Ha katu, ipu’aka ijojaha’ÿva rupive ha’e ohenói peteïteïme héra rupive. Ha’e oguenohë mbyjaita ha ohenói chupekuéra héra rupive. Pu’aka ijojaha’ÿva Ñandejára oguereko. Eipapántena ikatúramo. Emañamína upe Ñandejára ojapova’ekuére. Ndereguerekomo’äi mba’eve ere haguä, embotýta nde juru, Ñandejára pu’aka imbaretégui aha ijojaha’ÿ. Opaite mba’e hendaitépe ojapo.

Angirü che rendúva, ejesaupi jave yvága gotyo, avei mba’e poräita oïva ñande jerére. Remaña vove rehechakuaa opaite mba’e oïha hendaitépe, naisarambipái. Ñandejára pu’aka ijojaha’ÿva hembiapo rupive ojehecha, umi mba’e omombareteva’erä ñande jerovia Ñandejárare ha ndaiporiha ijavegua.

IÑARANDU IJOJAHA’Y upéva omopyrenda ndaiporiha Ñandejára javegua. Tetägua Israel omba’eporandu ramo guare, ha’ekuéra oporanduva’ekue: Mba’érehepa? Mba’érehepa? Mba’érehepa? Upéva ha’e porandu hendape’ÿ ojapova’ekue hikuái. Ha’ekuéra oimo’ä hapekuéra okañyha Ñandejáragui, avei he’i hikuái Ñandejára ndoikuaaseiha chuguikuéra mba’eve. Avave niko ndikatúi okañy Ñandejáragui ha mba’eveichagua oï poräva, ndohasa reíri. Profeta Isaías oporandu hetäguakuérape kóicha: Mba’ére piko ere, Jacob, ha ere jey nde Israel: Ñandejára ndacherechakuaái. Ñandejára mba’eve ndoikuaaséi chehegui?” Jahechakuaa ko porandu hendape’ÿ. Ñembojovake chupekuéra guarä ndohasa reíri. Hapekuéra ha hembiapokuéra nokañýiri Ñandejáragui.

Ko’ápe jajuhu mbohovái hendaitepegua: “Ndereikuaái nga’u piko? Araka’eve piko nerehendúi Ñandejáraha, opa ára Ñandejára? Ha’e ojapo ko yvy tuichakue, ndaijuku’ái, naikane’öi, iñarandu ndaijapýrai”. Ñandejára ndohejareimo’ä hetägua Jacob ha Israel remikotevë ohasa rei.

Upévare, opaichagua temikotevë jaguerekóva Ñandejára oikuaapa ha ndoheja reimo’äi. Ñandejára Ipu’akapáva, ñande Apohare, Iñarandu ndaijapýraiva ha Opa árape guaräva, naikane’öi, ndaijuku’ái ha naikangýi araka’eve.

Ñandejára pu’aka ha Iñarandu ijojaha’ÿ. Isaíaspe he’i: “Iñarandu ndaijapýrai.” Ndaipóri ijavegua. Angirü che rendúva, ejepy’amongetamína mba’eichaitépa Ñandejára ha ehechakuaáta ndaiporiha avave ikatúva ñambojoja hese. Ñandejára arandu Ijojaha’ÿ ha ndaijapýrai, upévare hesakä poräva’erä ñandéve ndaiporiha ha’eichagua ni ijavegua.

IÑANGAREKO PORÄITE upéva ome’ëva’erä ñandéve angapyhy ndaipóiri haguére Ñandejára javegua. Ha’e naikangýiri. Ha’e naikane’öiri. Upévare, Ha’e ikatu omombarete ikangývape ha ikane’övape, Ha’e naikangýigui araka’eve. Tekotevë revy’a ha nekyre’ÿ ko mba’e tuichaitévare: Ñandejára oñangareko poräite ñande rehe, ko’yteve umi oikotevëvare katuete. Upévare, Ha’e omombarete umi ikangývape ha umi ikane’övape. Ha’e omombarete umi heko kangývape. Ko’ä mba’e rupive jahechakuaa iñangareko poräite ñande rehe.

Mitärusukuéra jepe ikane’ö, péicha avei ikatu oñepysänga ha ho’a, chupekuéra Ñandejára ikatu omombarete, omokyre’ÿ ha omopu’ä jey, péicha ojehúta umi ojeroviávare Ñandejárare.

Ojeroviáva Ñandejárare ohechakuaáta iñangareko ko’ë ko’ëre. Ha’ekuéra ikyre’ÿ jeýta ha ovevéta taguatóicha, oñaníta ijuku’a’ÿre, oguatáta ha naikane’ömo’äi. Kóva ha’e Ñandejára ñe’ëme’ë añetéva ha iporäitéva, aipotaitéva nde rehechakuaa nde rekovépe, reguereko ha revy’a avei heseve.

He’iháicha Isaías: “Ojeroviáva Ñandejárare”, upéva añoite ñaikotevë. Mba’épa he’ise jajerovia Ñandejárare? Ehejamína tamyesakä ndéve mbykymi: he’ise eñemoï Ñandejára pópe, eguerovia Ñandejára nde apohare nderayhuha, ehechakuaa reimeha mombyry chugui ha ejerure chupe taneperdona, tanemopotï, ha upe guive ne angaipa ojeheja reíta, ha Ha’e oñangarekóta nde rehe; upete guive eha’arö ipytyvö nde rekovépe guarä. Aníkena eheja Ñandejárape, aníkena nde py’a tarova ha ndénte rejapopase ndejehegui. Iporäve eheka isämbyhy ko’ë ko’ëre, emoñe’ë La Biblia, reikuaave haguä Ñandejárape. Ha Ha’e omoïta nde pype ipy’aguapy poräite, nemombaretéta ani haguä nekangy regueropu’aka haguä jehasa reguerekóva guive nde rekovépe. Máva ndojeroviáiva Ñandejáre ndoguerekói py’aguapy hetepýpe. Che naha’äróiramo mba’eve Ñandejáragui, Ha’e nome’ëmo’äi chéve mba’eve; ndaha’éi ndojapomo’äigui, che nañemomba’éigui iñe’ë rehe.

Peteï Salmope he’i kóicha: “Che ánga okirirï peteï mitä opo’oramovaicha”. Upéva he’ise tekotevëha ñañemboja Ñandejára rendápe jahekávo chupe ñane korasö ruguaite guive, tove Ha’e tañanesämbyhy, Ha’e toñangareko ñande rehe. Jahekávo hembipota ñande rekovépe guarä Ha’e ñanemombaretéta, ñanemokyre’ÿta ha nañanekangymo’äi jagueropu’aka haguä tembiasakuéra ñande rekove pegua. Ñane kyre’ÿva’erä jaikuaávo Ñandejára oñangarekoha ñande rehe.

Ko’ä mba’e jaikuaáva ko árape Ñandejáragui ñanemokyre’ÿva’erä jajerovia haguä añetehápe hese. Ja’e jeymína umi mba’e jahechava’ekue ñahesa’ÿijóvo ndaiporiha Ñandejára javegua: Ipu’aka ijojaha’ÿva, ejesaupi yvágare ha emaña mbyjaita oïvare upépe ha ehechakua nde resatee rupi, Iñarandu Ijojaha’ÿ ha ehechakuaa mávapa Ha’e; Iñangareko poräite, umi ojeroviávape hese guarä. ¡Ñamomba’eguasu ÑANDEJÁRAPE!

Receive Weekly Encouragement

Sign-up to get a sermon straight to your inbox on a weekly basis!