Ñanderuete Oisämbyhypa Vove

hft guarani 2022
Hope for Today (Guarani)
Ñanderuete Oisämbyhypa Vove
Loading
/
Isaías 65:17-25

Ñandejára niko Ñanderuete ¡ñande Apohare. Ha’e ohechakuaa opaite ñane remikotevë! HA’E araka’eve nome’ëi avavépe henda ñande Apohare ha ñane Pytyvöhára ramo. Ñandejára ome’ëva’ekue tembiapo kuimba’épe. Upéva ikatu ñamoñe’ë aranduka Génesispe, capítulo 1pe, upépe omombe’u ñandéve mba’éichapa Ñandejára ojapova’ekue opaite mba’e. Upéi ojapopa rire kuimba’épe, he’iva’ekue pe kuimba’e oguerekotaha ipo guýpe mymbakuéra. Upéva tuicha responsabilidad Ñandejára ome’ëva’ekue kuimba’épe.

Satanás katu ojasuru heta tembiapo kuimba’e ojapova’eräpe, ha oñemomba’e umi derecho kuimba’e mba’évare ha oñemohatä hese. Heta jey ñaimo’ä Ñandejára oñeme’ëmaha, ndaupeichaiete voi. Nahániri. Ñandejára pópe ha ipo guýpe oï opaite mba’e. La Biblia he’i ñandéve oguahëtaha peteï ára ÑANDERUETE OISÄMBYHYTAHA ári, upéva Profeta Isaías ohaiva’ekue ha jajuhu capítulo 65, versículo 17 guive, 25 peve Antiguo Testaméntope, he’ihápe kóicha:

17. Péina ajapóta yvága pyahu ha yvy pyahu. Yma guare opytáta tesaráipe, avave naimandu’amo’äi hese.

18. Tahenyhë tory ha vy’águi opa árape guarä upe ajapótavare. Ajapóta Jerusalén horýva ha tetägua ipype ovy’áva.

19. Che voi avy’áta Jerusalén rehe, ha che py’a rorýta che retäguáre. Pype ndaiporimo’ävéima tasë térä sapukái vy’a’ÿgui.

20. Upépe ndaiporimo’äi mitä omano voiva, térä avave oikove puku’ÿva. Cien áño omanóva rehe oje’éta omanohague imitäme, ha nombotýivare 100 áño, oje’éta ojeharuha.

21. Opavave ojogapóta ha oikóta imba’eteépe, oñotÿta parral ty ha ho’úta hi’a.

22. Ndaiporimo’äi peteï ojogapóva ha ambue ipype oikóva, térä peteï oñemitÿva ha ambue chugui ho’úva. Ka’aguýicha che retägua oikove pukúta, che rembiporavo ovy’áta okarúvo hembiapokuégui.

23. Nomba’apo reimo’äi, ndaiporimo’äi iñemoñare omanóva hi’árape’ÿ, ha’ekuéragui Ñandejára ohovasava’ekue ñemoñare, ha upéi avei iñemoñare.

24. Che renói mboyve hikuái, aporandútama mba’épa oipota; he’ipa mboyve ahendútama chupekuéra.

25. Aguara guasu ha ovecha ra’y okarúta oñondive, león ha buey ho’uta kapi’i, ha mbói ho’úta yvy. Che yvyty marangatu jerekuévo ndaiporimo’äi mba’e vai ojapóva. Ñandejára he’i upéicha.

Iporäitéta upe ára Ñandejára Ha’etéva oisämbyhypa vove opaite mba’e. Ehejamína tahechauka ndéve ñemoambue nde tuicháva oguerúta Ñandejára Ha’etéva, upevarä OMBOPYAHÚTA heta mba’e oisämbyhýta upe ára ha ojejapóta hembipota hekoitépe.

ÑANDEJÁRA OJAPÓTA VY’A PYAHU upéva oguerúta heta ñemoambue. Ha’éta vy’a opa’ÿva, ndaha’emo’äi vy’a sapy’aguáva. Ndaha’emo’äi vy’a peteï árapegua añónte, oïta vy’a opa árape guarä. “Tahenyhë tory ha vy’águi opa árape guarä upe ajapótavare.”

Umi mba’e oñembosako’i Jerusalén, pe Ciudad Santape guarä. Ñandejára he’i: “Ajapóta Jerusalén horýva ha hetägua ipype ovy’áva.” Ko’ä mba’e Ñandejára oguerúta hetä ha hetäguáme, umi HA’E omboykeva’ekue imba’erä. Che amomba’eguasu Ñandejárape, ojapóta ha oguerúta haguére vy’a opa árape guarä HA’E osämbyhypa vove opaite mba’e ko yvy ape ári. ¡Opáta tasë ha vy’a’ÿ! Ndaiporimo’ävéima jehasa’asy araka’eve. Ndaiporimo’ävéima máva hasëva. Ndaiporimo’ävéima ojahe’óva. Opáta jejopy vai. Ndaiporimo’ävéima tasë jejopy vai reheve, jepy’apy ha ñembyasy.

Ñandejára Ñe’ë Nuevo Testamentope, aranduka Apocalipsis 21:4pe he’i: “Omokäta hesaykuéra, ndaiporimo’ävéima ñemano, tasë, jahe’o ha mba’embyasy; opa oïva’ekue yma niko ndaiporimo’ävéima.” ¡Ñamomba’eguasu Ñandejárape! Ágä Ñandejára ombopyahupa vove opaite mba’e ko yvy ape ári hetaite mba’e iñambuéta, peteïva umi mba’e oïta vy’a opa’ÿva.

ÑANDEJÁRA OJAPÓTA TEKOVE PYAHU upéva omoambuéta heta mba’e avei. Ñande rekove ojepysóta. Mitära’y nomanomo’ävéima michï aja. Peteï mitä ha’éta gueteri mitä cien año rire. Ko’ágä rupi peteï kuimba’e itujáma oguereko vove cien año, Ñandejára katu omoambuéta ñande reko, ojapóvo tekove pyahu. Kuimba’e nomanomo’äi itiempo’ÿme. Peteï itujáva oikovéta umi ára oikova’eräva. Ndoje’éi ñandéve mboy tiémpopa, peteï ha’éramo gueteri mitä omboty vove cien año, upéicharö peteï kuimba’e oikovéta heta tiempo. Tekove ojepysovéta.

Oïta mba’apo pyahu. Ogakuéra ojejapóva guive, umi ojapóva oikóta ipype. Parral ty oñeñotÿva, umi omba’apova’ekue ipype ombyatýva ha ho’úta hi‘a. Ovy’áta ohechávo hembiapokue. He’i Isaías: “…che rembiporavo ovy’áta okarúvo hembiapokuégui. Nomba’aporeimo’äi…”, chupekuéra niko Ñandejára ohovasáta, ha’ekuéra niko hetägua.

Ñandejára ñe’ë, Nuevo Testamento, Romanos 8:22 ha 23pe jajuhu he’ihápe kóicha: “Jaikuaa niko ko’ágä peve opa mba’e ijapopyre ohasa’asyha peteï kuña imembypotavaicha. Ha ndaha’éi ha’énte ohasa’asýva, ñande avei jahasa’asy ñande jarekómava pe Espíritu, oñeme’ë tenondeveva’ekue ñandéve. Jahasa’asyeterei ñaha’ärövo pe ára jajerereko haguä Ñandejára ra’ýramo, ha ñande rete osë jejopýgui.” ¡Angirü che rendúva!, Ñandejára omoïmba vove opaite mba’e ipoguýpe, osämbyhypa vove ha ojejapo hembipota hekoitépe, heta mba’e iñambuepáta, avei jaguerekóta tekove pyahu.

ÑANDEJÁRA OJAPÓTA PY’AGUAPY PYAHU upéva oguerúta heta ñemoambue. Oïta pya’aguapy yvy ape ári, ndaiporihaguéicha araka’eve. Upeichaite, Ñandejára ombohováita gentekuéra ohenói mboyve. Isaías 65:24pe he’i: “Che renói mboyve hikuái, aporandútama mba’épa oipota, he’ipa mboyve ahendútama chupekuéra.” Kuimba’e ha kuñanguéra ohekáta añetehápe Ñandejárape, ndaiporiháicha ko’ágä.

Ikatu nde emba’ejeruréma Ñandejárape. Nde py’aite guive reheka ha eñembo’e chupe, upeichavéramo jepe, ha’ete nombohováiva ndéve. Ñandejára omoïmba vove opaite mba’e ipoguýpe, osämbyhypa vove, oïta py’aguapy kuimba’e Ñandejára ndive, jeiko porä ndaiporiháicha ko’ágä.

Ambue mba’e iñambuétava ko yvy ape ári niko mymbakuéra reko. Aguara guasu ha ovecha ra’y okarúta oñondive. Ko’ä mymba ko’ágä ndoikói ojoypýpe. Pe aguara guasu ho’u ovecha ra’y. Pe león ndo’úi kapi’i guéi ndive ko’ágä rupi. Iñambuepáta, oïta py’aguapy pyahu ko yvy ape ári.

Jehasa’asy ha ñehundi oñeguenohëtéta, ndaiporimo’ävéima. He’ive Isaíaspe: “Che yvyty marangatu jerekuévo ndaiporimo’äi mba’e vai ojapóva. Ñandejára he’i upéicha.” Ñandejára omoïmba vove opaite mba’e ipoguýpe, osämbyhypa vove, heta mba’e iñambuéta, oïta py’aguapy pyahu ko yvy ape ári.

¡Ñamomba’eguasu Ñandejárape! Ñanderuete osämbyhypa vove opaite mba’e heta mba’e iñambuepáta. Oguahëta upe ára. Ñandejára omoambuéta heta mba’e, ojapo pyahúta heta mba’e: vy’a pyahu, tekove pyahu ha py’aguapy pyahu. Ko’ä mba’e ñaha’ärö.

Receive Weekly Encouragement

Sign-up to get a sermon straight to your inbox on a weekly basis!