Isaías 24:1-6
Heta jey oï oporandúva ¿moöpa oï Ñandejára? Oï avei heta tekove ipochýva Ñandejára ndive oheja rehe ojehu heta tembiasa naiporäiva py’ÿiete ñande jerére. Oï he’íva: “Oïramo añetehápe Ñandejára, eheja HA’E tojapo upéva.” Py’ÿiete ñanderesarái Ñandejára noñeñapytÿiha umi mba’e ñande ñaimo’ävare térä jaipotáva rehe. Py’ÿiete jaipota Ñandejára ojapo umi mba’e natekotevëiva Ha’e ojapo.
La Biblia omombe’u ñandéve Ñandejára oikuaaha opaite mba’e, nokañýi chugui mba’eve. HA’E oisämbyhy opaichagua tembiasa ojehúva guive ymaite guive. Upe
ojehútava nokañýi chugui. HA’E oikuaapa, ñepyrümby guive, ko’ágä peve ha tenondegua. La Biblia he’i ñandéve oïtaha peteï ára ñañembohovaketaha henondépe opaite mba’e jajapova’ekuére. Upe ára oïma Ñandejára arandukápe. HA’E añoite oikuaa araka’étapa upe ára.
Isaías capítulo 24, versículo 1 guive, 6 peve, Antiguo Testamentope, pe profeta ohechava’ekue upe ára ÑANDEJÁRA OHENÓITA JAVE ÑEMBOHOVAKERÄ:
1. Ñandejára omonandi yvy, oheja sarambikuépe ha omosarambi opa rupi yvypórape.
2. Ha ojehúta péicha tetägua ha pa’ípe, tembiguái ha ijárape pe ojoguáva ha omba’e me’ëvape, pe oiporukáva ha pe mba’e poruhápe.
3. Pe yvy oñemonandiete ha oñemondapaitéta, péicha he’i haguére Ñandejára.
4. Yvy oñembyasy ipiru ha oñyñyimbágui; yvága ha yvy ikangypa.
5. Ha yvy ojeharu yvypóra omboyke haguére Ñandejára rembiapoukapy; omokärë hekopeguáva, ha ndojapói mba’evérö ñe’ë ñome’ë opa árape guáva.
6. Upévare jeharu ohundi yvy ha yvyporakuéra opyta yvýre; upévare oñehundi ha imbovyve hikuái.
Isaías ohechákuri upe ára Ñandejára oporohenoitaha ñembojovakerä, upévare ha’e ohai ko’ä mba’e jajuhúva ko capítulo 24pe, upépe HE’I PETEÏTEÏ umi mba’e ojehútava tenondeve. Tekotevë jahechakuaa umi mba’e he’íva guive ñandéve jesarekorä.
TEKOVEKUÉRA REKO ÑESÄMBYHY OPÁTA Ñandejára ohenóivo ñembojovakerä. Isaías ohechákuri “tetäguäme, avei pa’ípe.” Mburuvichakuéra oisämbyhyva’erä. Ha katu Ñandejára ohenói vove ñembojovakerä, opa umi mburuvicha rembiapo opáta. Ndaiporimo’ävéima joavy tetägua ha pa’i apytépe.
Ambuegua apytépe profeta Isaías ohecha avei upe ojehúva: “tembiguái ha ijárape”; taha’e kuña térä kuimba’épe. Tembiguái jára térä umi empleador oñemomba’eve, ha katu, upe ára Ñandejára ohenói vove ñembohovakerä; ndaiporimo’äi joavy, peteïchanteta tembiguái ha ijára.
Ambue mba’épe profeta Isaías ohecha upe ojoguáva ha omba’e me’ëvape, pe oiporukáva ha pe mba’e poruhápe. Umi omba’ejoguáva ha umi oiporukáva hekojojava’erä. Upe ára ndaiporimo’äi joavy. Umi rango tekovekuéra apytepegua opaitéta voi.
Ejepy’amongetamína ko Ñandejára ñe’ë rehe. Ehendumína mba’épa he’i La Biblia: “Ha ojehúta péicha tetägua ha pa’ípe, tembiguái ha ijárape; pe ojoguáva ha omba’e me’ëvape; pe oiporukáva ha pe mba’e poruhápe.”
Ndépa reikümby upe Isaías ñanembo’éva ko’ápe? ¡He’i ñandéve Ñandejára renondépe maymáva peteïchanteha! Umi rango tekovekuéra apytépe oïva térä ñanembotuicháva ambuekuéra renondépe oñehundipáta Ñandejára oporohenói jave ñembohovakerä.
YVY APE ÁRIGUA KA’AVOKUÉRA oñehundipáta oiko vove Ñandejára ñembojovake. Ko yvy ndovalemo’ävéima mba’everä. Inandíta ha oñehundipáta. Ñahesä’yijóramo umi ñe’ë ojepuruva’ekue Isaías oikóramo guare, jajuhu pe ñe’ë “vaciado” ojepuru hague oje’e haguä peteï mba’yru oñeñohëva chugui upe oguerekóva ipype nandi porä meve.
Ñehundi he’ise iperömba, ndoguerekói mba’evéichagua ka’avo ni ñemitÿ, yvy perö rei, nandiete voi. Pe Profeta Isaías he’iva’ekue ojehutaha upéicha Ñandejára oporohenói jave ñembojovakerä.
Umi tekovekuéra ojerovúva ojehechakuaáta chupekuéra. Ndaha’éi máva ojerovia haguére ijehe ku ndojehumo’äiva hese mba’eve. Nahániri. Ndaikatumo’äi oipytyvö chupe imba’ereko térä imba’ekuaa. Ko yvy oñembyasýta ha oñehundíta. Ko yvy ape arigua ho’apáta ha oñehundipáta, tekovekuéra ojerovúva ko yvy ape jeréregua ho’apáta avei. Ndaipóri tenda oñekañy haguä. Ndopytamo’äi ñandéve mba’evete.
Ñandejára oporohenói jave ñembojovakerä ndaiporimo’äi ikatúva okañy térä ojeheja rei chupe. Opaite mba’e oïta Ñandejára poguýpe. Mba’éichapa che aikuaa upeichataha? Profeta Isaías he’i versículo 3pe kóicha: “…Ñandejára he’i haguére peicha.” Ha Ñandejára he’íva katuete ojehúta. Ñandejára ojapóta opaite mba’e he’íva oikotaha: omonandíta yvy ha ohundíta tekove jerovu. Yvy ape arigua ka’avokuéra oñehundipáta avei. Ndopytamo’äi mba’evete.
PE ÑANDEJÁRA REMBIPOTA OÑEMBOYKÉTA Ñandejára oporohenói jave ñembojovakerä. Ko’ápe jahechakuaa pe Profeta Isaías he’íva, omomandu’ávo tekovekuéra omboyke hague Ñandejára rembiapoukapy avei omokarë hekopeguáva ha ndojapói mba’evérö ñe’ë ñome’ë. Oï ningo tembiapoukapy yvy ape arigua oñemomba’eva’eräva. Ha katu, Profeta Isaías he’i yvyporakuéra nomomba’eiha mba’evete.
Oïháicha tembiapoukapy yvy ape arigua, oï avei umi ley espiritual. Ko’ä tembiapoukapy ojeheja reipa avei. Upéva he’ise ndojejapói ha noñemomba’éi mba’everä. Tekovekuéra ndojapysakái hese ni michïmi. Omboykepaite uvei, ha upéicha omotenonde upe ha’ekuéra oipotáva ha oguerohorýva. Upévare, tekovekuéra omboykégui Ñandejára rembiapoukapy, HA’E oporombojovakeva’erä oipurúvo tekojoja.
Kuimba’ekuéra omoambuepa Ñandejára tembiapoukapykuéra, omohendase ha’ekuéra oipotaháicha. Ko’ágäite peve oï ojapóva upéicha. Omoñe’ë Ñandejára Ñe’ë La Biblia, ha omohenda ha’ekuéra oipotaháicha, he’ívo: “Kóva ndahe’iséi upéicha.” Omoambue Ñandejára Ñe’ë, ndohechakuaái ha nomomba’éi Ñandejára rembipota,
omoambue upe ipype he’íva ha omohenda oipotaháicha ha opyta porä haguäicha hembiapo rehe.
Upeichaite, oñemboykéta Ñandejára Ñe’ë ha hembipota, noñemomba’evemo’äi ñe’ë ñome’ë ha Ñandejára rembiapoukapy. Upéicha ojejapóvo oñemboyke Ñandejárape ha hembipota. Ñandejára omoïva’ekue ñe’ë ñome’ë ha mba’éichatapa upéva. Hetägua omboyke vove Ñandejára rembiapoukapy, omboyke Ñandejárape. Ndojaposevéi upe Ñandejára he’íva ha oipotáva. Upéicha pe ñe’ë ñome’ë opa árape guarä oñemboyke.
Upévare, Ñandejára oporohenóita ñembojovakerä. Ojapóta upéicha, Ha’e he’ígui ojapotaha. Teko ñaña ohundi ko yvy ha ipype oïva guive oñehundipáta. Upévare tekovekuéra oikóva guive ipype oñehundipáta, okaipáta ha mbovy opytáta ipype.
Angirü che rendúva, tekotevë nemandu’a ko’ä mba’ére: Ñandejára oporombohovakéta, hembiapoukapy oñemboykégui ha noñemomba’éigui, avei ñe’ë ñome’ë ojehejareígui. Péicha avei oñemoambuepa hembiapoukapy ha iñe’ë. Ñandejára oporohenói jave ñembojovakerä opaichagua sämbyhy térä rango humano opáta,
ka’avokuéra yvy ape arigua oñehundipáta, oñemboykégui Ñandejára Ñe’ë ha hembipota. Tekotevë ñahendu, jajesareko ha jajapo Ñandejára Ñe’ëme he’íva, anítei jahupyty jehavira ha ñehundi, uvei jahupyty haguä jehovasa.