Ñandejára Ijojaha’Yva

hft guarani 2022
Hope for Today (Guarani)
Ñandejára Ijojaha’Yva
Loading
/
Isaías 64:1-9

Ñanderuete oguejýramo guare yvyty Sinaí ári ha ome’ë Moiséspe tembiapoukapy, HA’E omoïva’ekue ipype heta mba’e ndojejapoiva’eräva, gentekuéra apytu’ü oho haguäicha Ñandejára gotyo. HA’E oipota hetägua ojepy’amongeta hese ha anítei omotenonde oimeraë mba’e yvy ape arigua. Upévare umi Diez Mandamientospe oï: “Ani reguereko ambue Jára che ykére. Ani rejapo mba’evéichagua ta’anga, taha’e yvága pegua, taha’e yvy arigua, taha’e ýpegua oikóva ra’änga. Ani reñesü mba’eveichagua ta’änga renondépe térä remomba’eguasu chupe. Che ha’égui Jahve, Nde Ruete, imbaretéva, hakate’ÿ rekóva, ha amyengoviáva tuvakuéra rekovai ita’yrakuéra ári, hemiarirönguéra ári ha avei hemiarirönguéra ra’ykuéra ári, irundy ñemoñare rekove peve, umi che rehe ija’e’ÿvape. Che katu aiporiahuverekóta umi cherayhúvape ha ojapóva che rembiapoukapykuéra…”Eikümbýpa upe he’iséva? Ñandejára oipota maymáva tekove oheka chupe ha ojapo hembipota.

Ñandejára ha’e Espíritu eterno ha infinito, ñande katu tekove jaguerekóva plazo ko tiémpope. HA’E he’ikuaa ñandéve opaite mba’e hesegua. HA’E he’i ñandéve La
Bibliape, umi mba’e tekotevëva jaikuaa chugui. Upévare ñamoñe’ë py’ÿiramo La Biblia hetaite mba’e jaikuaáta Ñandejáragui. HA’E ningo ÑANDEJÁRA IJOJAHA’YVA.
Upéva hesakä porä ñandéve Isaías capítulo 64, versículo 1 guive, 9 peve, Antiguo Testamentope, he’ihápe kóicha:

1. Remondoronga’u ra’e umi yvága, ha reguejynga’u ra’e okañy haguä ne renonderägui umi yvyty.

2. Ku tata rendy ohapyháicha pe jepe’a térä ombopupuháicha pe y; péicha toñemombe’u nde réra umi nde rehe ija’e’ÿva apytépe, ha umi tetä toryrýi ne renondépe.

3. Nde rejapóra’e mba’e techapyräva roha’arö’ÿva ha reguejy jave umi yvyty oryryipáva ne renondépe.

4. Koichagua mba’e nde rejapo nde rehe ojeroviáva rayhupápe, ko’ä mba’e ko’äva noñehendúi araka’eve ha ndaipóri voi ohechámava koichagua mba’e.

5. Nde resë rejojuhu haguä umi ojaposéva mba’e hekoitepeguáva ndive, térä imandu’áva nde rehe hekovépe; péina ningo nde pochy ore ndive ropoi haguére ndehegui, heta arykuéra roiko angaipápe, ha upeichavéramo jepe Nde oresalva reína gueteri.

6. Ore ningo rojogua mba’e ky’ápe, ha opaite ore rembiapo porä ojogua avei ao ky’akuépe; ha ore ro’apa ku yvyra roguekuéicha, ha ore ñaña reko oregueraha yvytúicha.

7. Ndaipóri avave ohenóiva nde réra térä oñeha’äva ojejoko haguä nde rehe; upévare nde reñomi orehegui nde rova, ha reheja ore roñehundi ore rembiapo vaikuerakue rupi.

8. Upeichavéramo jepe, nde Ore Ruete, ore ningo ñay’ü nde pópe, Nde ore Apohare; ore voi ningo nde po rembiapokue.

9. Anína nde pochyeterei, Ñandejára, ha anítei tapiaite nemandu’a ore aña reko rehe; péina, ema’ë ko’ágä ne retä rehe, ore voi ningo ne retägua.

Isaías omombe’u ñandéve heta mba’e IJOJAHA’YVA Ñandejára rehegua, ko’ä mba’e omombareteve ñande jerovai hese…

MBA’E JOJAHA’Y ÑANDEJÁRA OÏ ÑANE NDIVE ko yvy apére omombarete ñande jerovia. Profeta Isaías omba’ejerure he’ívo: “Remondoronga’u ra’e umi yvága.” Ñandejára oúramo, ko yvy ha ipype oïva guive opyta vaietéta. Yvagakuéra osoróta ha yvytykuéra isarambipáta ýicha, y pupúicha. Tuicha ñemýi jaguerekóta, tuicha ñembyasy Ñandejára renondépe. Ñandejára reko mimbi jojaha’ÿ oguerúta sarambi ko yvy ape ári.

Ñandejára reko mimbi jojaha’ÿ tuicha omoñandu vaíta tetänguérape. ¡Ñandejára réra tuichaite! Profeta Isaías oñembo’e Ñandejárape ou haguä oikuaauka héra, ha’égui Ñanderuete Añete, ñande Apohare, ndaipóri ambue ha’éicha. Ñandejára Biblia pegua oï ambuekuéra ha opaite mba’e ári. Tetänguéra oryryipáta henondépe. Ñandejára ojapo opaichagua tembiapo ha’ekuéra noha’äröiva. Ojapóramo guare, yvytkuéra osë henondégui.

ñaha’arö’ÿva oiko. Heko mimbi ijojaha’ÿva renondépe opaite mba’e iñambue.

ÑANDEJÁRA MARANGATU OME’Ë ÑAIKOTEVËVA upéva omongakuaa ñande jerovia hese. Ñande kuimba’éva kuaapy mbyky ha ijapýra. Ndaikatúi jaha mombyry ni jaipyguara pyko’ë. “Ñepyrüete guive (ikatúramo ñambyatypa) kuimba’ekuéra araka’eve nohendúi, ndojapysakái, nomañái ni ndohekái Ñandejárape.”

Ñande resa ha ñande apysa ndohechakuaái hekoitépe opaite mba’eÑandejára ome’ëva guive ñandéve. Ñandejára añoite oikuaa. Ñandejára añoite oiokuaa mba’e mba’épa ombosako’i maymáva ojeroviávape hesépe guarä. Ñande mba’ekuaapy mbyky ha ndaikatúi oikümby umi mba’e.

Ñane remikotevë tuicha ndaijapýrai. Upeichaite, máva hekojojáva ha ovy’áva Ñandejára rembipota ojapo haguére, ohechauka ijerovia hese. Upéicha Ñandejára oï ipype ha omoirü chupe. Tekopotï oñembyaty poriahurereko ndive.

Angaipa katu akóinte ojehechakuaa ha oñeñanduka, opa rupiete oï ha ohechauka temikotevë py’ÿiete. Maymáva jajapo angaipa ha py’ÿiete ñane rembiapo vai. Ñaikotevë Ñandejára poriahurereko ha pysyrö rehe. ¡Mba’e poräite, Ñandejára pytyvö ha poriahurereko! Ñane mba’e kuaapy mbykýgui, ñane mba’e remikotevë ndaijapýrai, Ñandejára poriahurereko, mborayhu ha pysyrö ijojäha’ÿ. Ñandejára añoite ikatu ñane pytyvö ha ome’ë ñandéve umi mba’e ñaikotevëva guive, ñande ndaikatúigui ñande jehegui jahechakuaa ñane remikotevë, ndaikatúi ñañepytyvö ñande jupe.

ÑANDEJÁRA PYSYRÖ IJOJAHA’YVA opavave angaipa apohárape guarä. Profeta Isaías omombe’u ñandéve ñane rembiapo porä ojoguaha ao ky’akuépe. Umi ao
ky’akue ningo ndovaléi mba’everä. He’i avei ñane angaipa ojoguaha yvyra roguépe omanóva ha upévare okúi, yvytu ogueraha opa rupi. Upeichaite ñande, jajogua pe yvyra rogué okúiva ha yvytu ogueraháva mamo henda rupi.

Oï ningo pe autosatisfacción oje’eha mbohovái. Profeta Isaías he’i avave ndohekaiha Ñandejárape; ndaipóri avave oñeha’äva ojapo tembiapo porä térä ojejoko Ñandejárare. Ndaipóri mba’e porä ikatúva ñaha’ärö, Ñandejára omongañýgui hova ñandehegui. Angirü che rendúva, ejapysaka porä: Ko’ágä tekotevë reheka Ñandejárape. Iñimportante rehechakuaa mba’éichapa reime Ñandejára renondépe ko árape. Ko’ágä tekotevë reheka Ñandejárape, peteï ára ñañemojovakétagui henondépe. Piens Ñane rembiapo vaikue ndopyta reimo’äi. Ejepy’amongeta, mba’éichapa ñande peteïteï ñaimo’ä ha jaguerovia ñaime poräha, ha upéi ehechakuaa Ñandejára pysyrö HA’E oikuave’ëva ñandéve.

Ko’ä mba’e renondépe oï pe py’amirï. Ñandejára ñande Apohare, ñande ñay’ü ipópe. Upévake ehechakuaa, Ñandejára ojapokuaa opaite mba’e, ñandehegui avei. Ñandejára ñande Apohare, ñay’üre omba’apóva. Ñande hembiapokue. Ikatu ñañemboja hendápe ha jajerure chupe he’i haguéicha Profeta Isaías: “anína nemandu’a ore rembiapo vaikuére, anítei tapiaite nemandu’a ore aña reko rehe, péina ema’e ko’ágä ne retäre, ore voi niko ne retägua.” Ñandejára ñane pysyröta jajeruréramo chupe. Iporäite ha ijojaha’ÿ pysyrö Ñandejára oikuave’ëva ñandéve. HA’E ne pysyröta rejeroviáramo hese ha reñembojáramo hendápe, pe Profeta Isaías ojapo haguéicha.

¡Iporäite ko’ä mba’e: Ñandejára oïta ñane ndive, ome’ëta ñandéve ñane remikotevë, ñane pysyröta jajeroviáramo hese! Ko’ä mba’e ijojaha’ÿ ñane ñe’ërendúramo Ñandejárape ha ñañemoï ipópe.

Receive Weekly Encouragement

Sign-up to get a sermon straight to your inbox on a weekly basis!