Ñandejára Añetetéva

hft guarani 2022
Hope for Today (Guarani)
Ñandejára Añetetéva
Loading
/
Isaías 45:18-23

Ymaiteguivéma umi gentekuéra oñeha’ä oheka ÑANDEJÁRAPE. Hetaháicha ha’ekuéra ojapo. Oî tapichakuéra ohóva oguata mombyry. Ambuekuéra katu oguatáva
clavo ári. Ambuekuéra katu oñembyepoti hete cadénape, ikatu haguäicha oimehaicharei ojuhu haguâ ÑANDEJÁRAPE. Hetave jey tekovekuéra ojaporeipa umi mba’e. Oimeraë mba’e ojapóvare ndojuhúi hikuái ÑANDEJÁRAPE.

Hembikuaápe, ÑANDEJÁRA, ohesaporavo tapichakuérape. HA’E oipuru chupekuéra ojekuaauka haguâ ñandéve. Ñamomba´eguasu ÑANDEJÁRAPE oikuaauka haguére ñandéve iñe’ê umi kuimba’ekuéra rupive. ÑANDEJÁRA ñe’ê ningo ojehaiva’ekue iñe’ênguérape voi ikatu haguâicha oñe’entende.

Pe Antiguo Testamento, ñahenoiháicha ñande, ojehaiva’ekue hebreo ñe’ême. Ha pe Nuevo Testamento katu ojehaiva’ekue griego ñe’ême. Umi estudiosokuéra katu oiporu jey heta ary ombohasa haguâ Ñandejára ñe’ê hebreo ha griégogui, maymáva tetäguakuéra ñe’ëme. Ko’ágâ jarekóma Ñandejára Ñe’ë ñande pópe oïmbaitéma.
Oñembohasáma 1.400 ñe’êmema, ikatu hetavémavoi ¡Ñamomba’eguasu ÑANDEJÁRAPE!

¡Ajépa tuicha mba’e pe ÑANDEJÁRA rembiapo, oiporúvo profetakuérape ohai haguâ hikuái pe hembipota, ha uperire ohenóivo estudiosokuérape ombohasa haguâ ambue ñe’ême! Maymáva tetänguéra ko yvy ape arigua ohekáva ÑANDEJÁRAPE hi’arikuéra oï Ñandejára voi, ojekuaaukaséva chupekuéra ha oipota opavave jajerovia hese.

Ágä katu jaguereko haguâ py’aguapy ha ñeha’arô porâ, tekotevê jajerovia ÑANDEJÁRA AÑETETEGUÁVARE. Profeta Isaías he’i Capítulo 45, versículo 18 guive 23 peve, ikatuha jaikuaa ÑANDEJÁRAPE hembiapokue rupive.

18. Péicha he’i ÑANDEJÁRA ojapova’ekue yvága, ha’e hína ÑANDEJÁRA. Ha’e ojapo yvy ha omoi hatâ hendaguâme, ndojapói yvy perô, ojapo uvei, pype ojeiko haguâicha: “Che hína opa mba’e Jára, ndaipóri ambue.

19. Nañe’êiva’ekue ñemiháme, térâ iñipytûháme. Che nda’éi Jacob ñemoñarépe: “Pe chereka ndaiporihápe mba’eve. Che, opa mba’e Jára, ha’e añeteguáva ha hekopeguáva”

20. Peñembyaty ha pejupa, peñemboja oñondivepa tetânguéragui penerembýva. Ndoikuaái pe ojapóva umi oguerovatáva itupâgua’u yvyra ha oñembo´e tupâ ikatu’ÿvape oipe’a chupekuéra ivaívagui.

21. Peñe´ê, peje peñanduháicha ha peñemongeta oñondive: Mávapa omombe’ur a’e ko’â mba’e oiko mboyve, iñepyrûha guive? Mávapa ymaite guive he’i ra’e oikotaha. Che hína opa mba’e Jára ndaipóri ambue ÑANDEJÁRA. Che hína ÑANDEJÁRA heko jojáva ha oporope’áva ivaívagui, ndaipóri ambue.

22. Pejujey cherendápe poipe’a haguâ ivaívagui, peê opa rupigua Che hína ÑANDEJÁRA ha ndaipóri ambue.

23. Che añe’ême´ê che rérape voi, Che rúgui osê ñe’ê añetegua ha ndopytareimo’âi. Che renondépe oñesüta opavave ha Che rérape ome’êta iñe´ê.

Pe Isaias ñe´êre jahechakuaa ÑANDEJÁRA ha’etéva oikuaauka ñandéve iñe’ê rupive, mba’éichapa jajeroviava´erâ Hese.

ÑANADEJÁRA OPA MBA’E APOHARE ojekuaauka ñandéve, ha upévare jajerovia añetehápe Hese. Pe mba’eguasuve omombe’úva ñandéve ha’e he’iháicha versículo 18pe “ÑANDEJÁRA ojapova’ekue yvagakuéra”. Rey David ohaiva’ekue: “Yvagakuéra omombe´u ÑANDEJÄRA tuichaha, ha pe araíre ojekuaa ipo rembiapokue”.

Yvagakuéra ÑANDEJÁRA rembiapo. Cientificokuéra he’i ñandéve, oîha mbohapy yvága yvy ape ári. Hikúai he’i oïha pe atmósfera, opavave ñaikotevëva jaikove haguâ. He’i avei hikuái oîha pe estratósfera ojepysóva pe atmósfera ári ha uperire oï pe ionosfera ojepysóva oka gotyo. La Biblia he’i ñandéve yvagakuéra ÑANDEJÁRA rembiapoha. HA´E voi ojapova’ekue yvagakuéra.

ÑANDEJÁRA avei ojapo ha omohenda ko yvy. Kóva ha’e pe hembiapo tuichave omombe’úva ñandéve La Biblia, he’ívo ñandéve omosäingoha ko yvy mba’evére. He’ise ñandéve ñaimeha peteî mba’e apu’ápe ojeréva ha ohóva pe espacio rupi, ndaipóri mba’eve iguýpe. ÑANDEJÁRA omosäingo ko yvy, mba’evetére.

Ágâ katu ÑANDEJÁRA ojapo ko yvy jaiko haguâicha ipype. HA’E ndojapo reíri. HA’E ojapo ko yvy ikatu haguâicha gentekuéra oiko ipype. Ko yvy ha’e ojapo ojeiko haguä hi’ári ha ipype. Oje’e niko ko’ágä oîha 7 billón rupi gentekuéra oikóva ko yvy ape ári.

ÑANDEJÁRA añetetéva ñande Apohare. Opa mba’e hembiapokue, he’iháicha ñandéve iñe’ême versículo 18pe: “Che HA’E opa mba’e Jára, ndaipóri ambue”.
Jahechakuaaháicha Ñandejára rembiapo opa mba’e jaguerekóva ñande jerére. Ikatu jajerovia añete ÑANDEJÁRA Bíblia peguáre; omombe’uháicha ñandéve Profeta Isaías ÑANDEJÁRA ñe’ême: “Chereka rei ambueháicha”. Ndachejuhumo’âi cherekáramo ambueháicha ha ambue hendápe. ÑANDEJÁRA añetéva peteînte ha jajuhukuaa chupe iñe’ê ha hembiapo rupive (yvága, yvy ha opaite mba’e). ¡Ñamomba’eguasu ÑANDEJÁRA añetévape!

ÑANDEJÁRA, HA’E VOI OJEKUAAUKA ñandéve. Upévare tekotevê ñamoî hese ñande jerovia. Profeta Isaías ÑANDEJÁRA rérape he’i ñandéve vyroreiha ñamoïramo
ñande jerovia ambue ídolo kuérare. Ha oñeporandu: mba’éichapa umi gentekuéra ojapo ipópe ta’anga ijararâ, ha omomba’eguasu oñesüvo henondépe? Umíchagua ídolo-kuéra avavépe noipytyvôkuaái, ndorekói pu’aka; upéicharô jepe ha’ekuéra ojapo ha omomba’eguasu umívape.

Gente-kuéra mba’ekuaa ndohupytýi añetegua. Upévare peju ko’ápe he’i pe Profeta, pehendu haguâ ÑANDEJÁRA ñe’ê añetéva. Iñe’ë naiñambuéi. Iñe’ê peteînte ymaite guive. “Máva piko ohenduka ñandéve ko’â mba’e iñepyrüha guive, ha naikarêi araka’eve?” Ndaipóri avave ojapóva, ÑANDEJÁRA añoite. Ha’e mante ojapokuaa opa mba’e. Ñandejára ñe’ê naiñambuéi araka’eve ha tuichave kuimba’ekuéra ñe’êgui. ÑANDEJÁRA avei hekojoja ha ñande poriahuvereko, he’iháicha Isaías 45:21pe:
“Ndaiporivéima avave chéichagua ÑANDEJÁRA añetetéva, hekojoja ha ome’êkuaáva pysyrô”

Nde che angirû, ÑANDEJÁRA ojekuaauka haguére ñandéve, tekotevë jajerovia Hese añetehápe. Upeichaite, ÑANDEJÁRA HA’E ñande Apohare ha ojekuaaukáva ñandéve. Ñandejehegui reínte ndaikatumo’äi jaikuaa chupe.

HA’E VOI OUVA’EKUE ÑANE PYSYRÔ HAGUÂ, upévare tekôteve jajerovia hese; péicha ñane renói iñe’ê rupive: “Peju jey che rendápe poipe’a haguâ ivaívagui, peê opa
rupigua, Che ÑANDEJÁRA ha ndaipóri ambue”. Peju he’ise, pejesareko, pehendu ha pembohovái jeroviápe iñehenói. Eñemomba’ékena ÑANDEJÁRA pysyrö oikuave’êva ndéve.

Ehendumi jey ÑANDEJÁRA ñehenôi ojapóva, HA’E he’i: “Emaña Che rehe”. Upe ñe’ê he’i ñandéve peteî hendápente tekotevêha ñamoî ñande jerovia ikatu haguâicha jaguereko pysyrö, JESUCRISTO añóite, ndaipóri ambue.

Eechakuaa pe ñe’ë “maymáva”. Upéva, iporäiterei, “maymáva yvy ape arigua.” Umíva apytépe reime nde avei che angirü. Che avei aime umíva apytépe. Maymáva tekovépe guarä, ojeroviáva Jesucristore ikatu oguereko pysyrö. Pysyrö niko opavave ojeroviáva Jesús rehepe guarä. Ñandejára ñe’ë naiñambuéi. Ñandejára ñe’ë isarambi ha iñe’ë añete. Opavave oñesüta Ñandejára renondépe ha maymáva omomba’eguasúta chupe. Ñandejára Añete. Ñandejára oikuave’ë ñandéve pysyrö, ikatu jajerovia Hese.

Ñandejára Añete, ha’e ñande Apohare. Opaite mba’e hembiapokue. Ojekuaauka ñandéve ha máva ojeroviáva hese Pysyröhára. Ñandejára Añete ojapóva ñande rehe ndaijojahái, ñande poriahuvereko ha ñanderayhu. Che romokyre’ÿ rejerovia haguä Ñandejárare.

Receive Weekly Encouragement

Sign-up to get a sermon straight to your inbox on a weekly basis!