Ehendu Ha Eikove

Hope for Today (Guarani)
Hope for Today (Guarani)
Ehendu Ha Eikove
Loading
/
Isaías 55:1-7

Repytáramo rejepy’amongeta ko mba’e rehe, pe ikatu ñahendu ningo tuicha jehovasa. Péva ha’e jopói iporäitéva ome’ëva ñandéve Ñandejára. Ha’e ñande apo ha omoï ñande retépe upéicha haguä. Ikatu ñahendu opaichagua tyapu ha jaiporavokuaa upe ñahenduséva.

Upeichavéramo jepe, ñahendu ha ojapo porä haguä ñande rehe, tekotevë ñahendu ha upéi jajapo. Tembiapo ouva’erä ñahendu rire. Upéva oipuru ñane rembipota. Nde rejaposeva’erä upe rehendúva. Upéicharö, ñaikümbyva’erä mba’éichapa ñamohendáta tyapukuéra, ñe’ënguéra, ha ñahendu umi ñe’ë ñane pytyvötava. Ndaopavavéi mba’e ñahendúva ñane pytyvöta. Upévare, tekotevë ñaikümby mba’éichapa umi ñe’ë tekotevëva ñahendu.

La Biblia, Ñandejára Ñe’ë ha’e ñe’ë iñimportantevéva, ha upe Ñe’ë Añetéva. Ñandejára oñe’ëva’ekue ha ñande tekotevë ñahendu chupe. Ñahenduva’erä Ñandejára oñe’ëvo, upevarä ñamoñe’ëta Isaías capítulo 55, versículo 1 guive, 7 peve, upéva jajuhu Antiguo Testamentope, ha he’i kóicha:

1. Opa pende yuhéiva peju pey’u. Pende viru’ÿva peju, reínte toñeme’ë peëme trigo. Toñeme’ë avei kamby ka ka’aguy, pehepyme’e’ÿre.

2. Maerä piko peme’ëta viru ndaha’éirö tembi’úre, ha pene rembiapokue repy, napenemohyguatämo’áivare? Pejapo ha’éva ha pekaru poräta, pe’úta umi mba’e hevéva.

3. Peju che rendápe ha pejapysaka, pecherendu ha peikovéta. Ajapóta pene ndive ñe’ëme’ë opa árape guaräva, ambyajévo péicha umi mborayhu ñe’ë ame’ëva’ekue Davidpe.

4. Che amoï chupe mba’e rechaha ha mba’e renduha ramo tetänguérape guarä. Huvicha ha heko mbo’eha ramo.

5. Nde rembyatýta tetägua reikuaa’ÿvape ha pya’e oúta ne rendápe, Che Nde Apohare, Nde Jára, Israelgua marangatúva, rombojerovia haguére.

6. Peheka Ñandejárape ikatu aja pejuhu chupe, pehenói chupe hi’aguï jave.

7. Iñañáva toheja hape vai, mba’e vai apoha anive oguereko iñakäme ivaíva. Pejere Ñandejára gotyo, ha’e pende poriahurerekóta, pejere Ñandejára gotyo, Ha’e niko ipojera oheja rei haguä ñandéve ñane angaipa.

Ambohéra ko mbo’epy EHENDU HA EIKOVE. Romokyre’ÿ rejepy’amongeta haguä ko’ä ÑE’Ë REHE, rehenúramo, reikovéta.

EHENDU ÑEPEPIRÜ JOJAHA’ÿ maymáva ijyuhéivape guarä. Profeta Isaías ohai: “Opa pende yuhéiva peju pey’u. Pende viru’ÿva peju,reínte toñeme’ë peëme trigo. Toñeme’ë avei kamby ha ka’aguy, pehepyme’ë’ÿre”.

Amyesakäta ndéve kóva ndoje’eíha imboriahúvape añónte, umi ndoguerekóivape pirapire ni mba’eve ho’u haguä, he’ise upe ojehepyme’ëtava hetaiterei, ijyvateterei. Ndereguerekomo’äi pirapire rehepyme’ë haguä. Opaichagua ita vera, oro térä diamante ko yvy ape arigua ndohupytymo’äi ojehepyme’ë haguä. Nde rejuva’erä pirapire’ÿre rejogua haguä mba’e hepyetereíva.

Upéva ogueru py’aguapy ha vy’a. “Pecherendu poräke “, he’iva’ekue Profeta Isaías, “ha pe’u pe mba’e iporäva, pembovy’a katu pene ánga tembi’u he poräva reheve.” Pe tyguatä añetetéva ndoúi tembi’úgui ni upe ja’úvagui. Tekovekuéra oipuru heta tiempo ha energía ombyaty haguä hetaite mba’e hekovépe guarä, ha ombotapykue térä omboyke umi mba’e añetéva hi’ángape guarä.

Heta pirapire ojepuru tembi’u ojejogua haguä. Pe tembi’u añetete ñande espíritu okotevëva ndajajoguái tembi’u jajoguaháicha. Jesús he’iva’ekue: “Che voi ningo pe pan oikovéva; oimeraëva oúva guive che rendápe naiñembyahyimo’äi araka’eve, ha ojeroviáva guive che rehe, máramo ndaijyuheimo’äi.” Ko invitación iñimportante. Ehendu ha eikove.

EHENDU PE ANGAPYHY AÑETE maymáva ohendúvape guarä. Profeta Isaías ohaiva’ekue kóicha: “Pemboyke joa pende apysa, ha peju che rendápe; peneñe’ërendu ha pene ánga oikove jeýta.” Upéva iñimportante. Peteï tenda iñimportánteva ñande rekovépe niko ñane ánga, ne ánga ha che ánga. Ne ánga ha nde espíritu ha’e umi iñimportantevéva nde rekovépe.

Nde rehendútaramo pe angapypy añetetéva, Ñandejára oñoñe’ëme’ëta nendive. Upe ñe’ëme’ë opa árape guarä. Nde rehendúramo, rejapysakáramo ha rehendu upe Ñandejára he’íva ndéve, HA’E ojapóta nendive peteï pacto eterno, oike ipype umi poriahurereko ha mborayhu ñe’ë ome’ëva’ekue Davidpe. ¡Ñamomba’eguasu Ñandejárape! Upéva he’ise upeichaite ojehutaha Ñandejára ome’ëgui iñe’ë Davidpe ha nendive ojapóta avei upeichaite, nde neñe’ërendúramo ichupe. Ehendu ko angapyhy añetete, Ñandejára ojapóta nendive peteï pacto eterno, nde ejapysaka ha neñe’ërendúramo ichupe.

Ko angapyhy añetetéva ha’e maymáva ojeroviávape guarä.: “Che amoï chupe rechaha ha mba’e renduha ramo tetänguérape guarä. Huvicha ha heko mbo’eha
ramo.” Upéi ha’e oñe’ë mba’éichapa umi araka’eve ndoikuaaiva’ekue Ñandejárape oúta hendápe. He’i: “Nde rembyatýta tetägua reikuaa’ÿvape ha pya’e oúta ne rendápe, Che Nde Apohare, Nde Jára, Israelgua marangatúva, rombojerovia haguére”. Maymáva ojeroviávape guarä angapyhy añetete. Israel Jára Marangatu ñamomba’eguasu. ¡Ñamomba’eguasu Ñandejárape! Jesús peteï jey he’iva’ekue: “Ani pejepy’apy ni peñemondýi pende pya’ýpe; pejerovia uvei Ñanderuete rehe, ha pejerovia avei che rehe.” Kóva ha’e angapyhy añetete ha iporäitéva maymáva ohendúva ha ojeroviávape guarä.

EHENDU ÑE’Ë PORÄ NAIPORÄIVA OÑEMBOYKE maymáva ánga ohekávape guarä. Profeta Isaías he’iva’ekue: “Peheka Ñandejárape ikatu aja pejuhu chupe…”
Angirü che rendúva, ko’ä ñe’ë he’i mbarete ñandéve oïtaha aravo térä tiempo ndaikatumo’äveimaha jajuhu Ñandejárape. Ko’ágä ikatu gueteri jajuhu chupe. Eheka
ha ehenói chupe oï aguï aja. Upéva he’ise oguahëtaha peteï ára noimo’ävéima aguï ñandehegui. HA’E ikatúma oï mombyry. Upérö ágä, nde ikatu reheka chupe, ha katu HA’E noimo’ävéima aguï ndehegui, oïta mombyry.

Angirü che rendúva, ehendu ko marandu naiporäiva emboyke térä reheja ambue árape guarä. Eheka Ñandejárape ikatu aja rejuhu chupe, ejevy hendápe. “Iñañáva toheja hape vai, mba’e vai apoha anive oguereko iñakäme ivaíva. Pejere Ñandejára gotyo, ha’e pende poriahurerekóta… ” Eheja tembiapo vai rejapóva guive avei umi mba’e vai apoha reguerekóva ne akäme. Ejerure Ñandejárape tanepytyvö reheja haguä opaichagua tembiapo vai ha ejevy Ñandejára rendápe. Ha’e ningo nepysyröta, tuicha imborayhu ha iporiahurereko. Ñandejára nemopotïta ha ne pysyröta.

Upeichaite angirü che rendúva, ehendu ko marandu ha’éva ñe’ë porä ha naiporäiva remboyke térä reheja ambue árape guarä. Jesús he’iva’ekue: “Opa mi che Ru ome’ëva chéve, ou che rendápe. Ha umi che rendápe oguahëvape che namosëmo’ái.” Ehendu ko marandu porä naiporäiva emboyke ha eheka Ñandejárape ko’ágä, ejevy hendápe ko árape.

Upévare, che romokyre’ÿ ehendu ha eikove haguä. Ehendu ko ñe’ë porä he’íva kóicha: “Peju che rendápe, pende viru’ÿva peju ha reínte toñeme’ë peëme..” Ehendu pe angapyhy poräite: “Ajapóta pene ndive ñe’ëme’ë opa árape guarä – peteï pacto eterno.” Ehendu pe ñe’ë porä naiporäiva emboyke: “Peheka Ñandejárape ikatu aja pejuhu chupe.” ¡Ehendu ha eikove!

Receive Weekly Encouragement

Sign-up to get a sermon straight to your inbox on a weekly basis!