Maymáva kuimba’e, kuña térä mitä oguereko ipype peteï mba’epota. Upe mba’epota ha’ehína omomba’eguasuse mávape térä peteï mba’épe. Umi he’íva ndaiporiha
Ñandejára jepe, katuete oguereko mba’e omomba’eguasuha. Oï avei oñemomba’eguasúva ijupe.
Ko yvy ape jerére oï heta religión. Ikatu ñañeporandu mboýpa oï umi añetéva. ¿Oï piko heta dios (Ñandejára)? La Biblia he’i ñandéve oïha peteïnte PETEÏ ÑANDEJÁRA AÑETEGUÁVA. Ñandejára, ñande Apohare ha’ete voi ojekuaauka ñandéve La Biblia rupive. Ñandejára oipuru ñe’ë ñande ikatúva ñaikümby. Upeichavéramo jepe, ikatu oï pe RELIGIÓN NANDI. Upéva ndaha’éi mba’e ipyahúva. La Biblia, Antiguo Testamentope Aranduka Isaías capítulo 1, versículo 10 guive 20 peve, omombe’u ñandéve heta ary Cristo onase mboyve, kuimba’ekuéra tekotevëva’ekue oñemombe’u chupekuéra ko mba’e rehegua. Ñamoñe’ëmína mba’épa he’i aranduka Isaías:
10. Sodoma ruvichakuéra, pehendu Ñandejára ñe’ë; Ñandejára remimbo’ére pejapysaka, peë Gomorragua.
11. Ñandejára he’i: “Mba’e piko chéve pene mymbajuka. Che mbyajúma pende mymbahapy peikuave’ëháme ovecha mácho ha pende tóro kyrakue, che mongueráima tóro ra’y ha kavara mácho ruguykue.
12. Pejúramo peñemboja che rendápe. Máva piko ojerure peëme pepyrümba haguä che korapýre?
13. Anivéke peru kuave’ëmby vyroreíva, pene insiénso ryakuängue nahetüséi. Jasy pyahu, pytu’u ára ha ñembyaty. Vy’a guasu oïháme japu che mbopochy.
14. Che py’aite guive ndacha’éi pende jasy pyahu ha aretekuérare. Umívagui oiko mba’e pohýi, ha chemokane’öma.
15. Pende po pehupívo ñembo’épe, amboty che resa, ha peñembo’eve ramo jepe, hahendúi. Pende po tuguy omongy’apa.
16. Pejepohéi, peñemopotï!. Peipe’a che renondégui pene rembiapo ahë! Anive pejapo ivaíva.
17. Pejehekombo’e pejapo haguä iporäva, peñeha’ä pejapo pe hekojojáva, peipytyvö ojejopyvaívape; pembojovake hekópe tyre’ÿme, pesë kuña iména manóva rehehápe, oñeme’ë haguä chupe imba’éva.
18. Upéi, he’i Ñandejára: Peju ñañemongeta ko’ä mba’ére, ha pene angaipa pytäve ramo jepe, ahejáta morotï asy, ojogua ramo jepe poyvi oñembyape pytäitévape, morotï mandyjúicha ahejáta.
19. Peñembopy’a peteï ramo pene ñe’ërendu haguä, pe’úta iporänguete yvy ome’ëvagui.
20. Ha akóinte pejetu’úramo ivaívare, katuete pemanóta ñoräiröme. Ñandejára voi he’íma péicha.
Isaías, Ñandejára remimbou, oheja ñandéve HETA MBA’E jaikuaava’eräva, umi mba’e ñane pytyvöta jahechakuaa haguä mba’éichapa pe religión nandi.
EHECHAKUAAMÍNA MBA’ÉICHAPA UMI RELIGIÓN NANDI, upéva iñimportante jahechakuaa haguä pe añeteguáva. Añetahápe, La Biblia rupive jaikuaa ymave Ñandejára ojerurehague mymba jejuka. Ha’e ojerureva’ekue upe mymba iporävéva. Máva oikuave’ëtava oguerahava’erä mymba ndahasýiva, nopëiva’erä, ndoguerekoiva’erä mba’evete ivaíva ijehe. Umi mymba ha’eva’eräkuri iporävéva, katuete.
Ha mba’éichapa ojejapóta upe kuave’ëmby oïmbakuri avei. Ogueruva’eräkuri mymba pa’ípe, ha upe pa’i ojukava’erä mymba pe altar del holocausto ári. Pe tuguy oñehëva iñimportante. Upe tuguy oñehëva oñeikuave’ë tekoverä. Ñandejára voi ojerureva’ekue mymba jejuka.
Ñandejára ojerureva’ekue avei oñeime vy’aguasu ojejapohápe. Oïva’ekue avei vy’aguasu térä fiesta ojejapova’ekue cada ary, he’iháicha Moisés rembiapoukapýpe. Umi fiesta anual-pe kuimba’ekuéra peteïteï oñembojava’erä Ñandejára renondépe tupäo oïva Jerusalén-pe, tenda ojejapohápe mymbajuka.
Oïva’ekue avei vy’aguasu ojejapóva cada mes, jasy pyahu ha umi ára pytu’uha rehegua. Oïva’ekue ára Ñandejára voi omboykeva’ekue ojegueromandu’a haguä. Ha katu, aranduka Isaíaspe, Ñandejára he’i: “Chembyajúma pende mymbahapy peikuave’ëháme ovecha mácho ha pende tóro kyrakue…”
Mba’érepa Ñandejára he’íta upeichaite Isaías oikóramo guare. Ñandejára voi ningo he’iva’ekue Moiséspe ojejapo haguä mymbajuka, avei tekovekuéra ohova’eräha táva Jerusalén-pe? Jaikuaamína mba’érehepa: Israelitakuéra ningo ojapopa umi mba’e Ñandejára ojeruréva omomba’eguasu’ÿre chupe, ha’ekuéra ojapónte. Añetehápe, ñande ikatu jajapo umi mba’e Ñandejára ojeruréva ñandéve hendaitépe, ha umi mba’e ndovaléi Ñandejára renondépe, nañamomba’eguasúiramo chupe añetehápe. Jajapo porävéramo jepe, ndovaléi Ñandejárape guarä. Jajepy’amongetamína angirü che rendúva: tembiapokuéra ojejapóva tupäokuérape ha nomomba’eguasúiva Ñandejárape: nandi ha ndovaléi mba’everä.
EHECHAKUAAMÍNA UMI ÑEMBO’E PUKU REIPA, NANDÍVA avei. Ñandejára ningo oguerohory ñañembo’e chupe. Rey David ohaiva’ekue Salmo 55:18pe kóicha: “Pyhareve, ka’aru ha pyhare, che pyahë ha ajahe’o, ha Ñandejára ohendu che rembijerure “.
Ñandejára oipota umi ojeroviáva hese omba’ejerure chupe. Upéva ha’e okë ojeipe’áva Ñandejára renondépe. Ñandejára voi ombosako’i upéicha ñañemboja haguä hendápe ñembo’e rupive. Ko’ágä chemandu’a profeta Daniel rehe oïramo guare rey de Babilonia ñesämbyhy poguýpe. Daniel oñesüva’ekue oñembo’e haguä mbohapy je peteï árape. Ha Ñandejára ohenduva’ekue imba’ejerure. Añetehápe, Ñandejára oipota ñañembo’e chupe. Tekovekuéra ojeroviáva Ñandejárare oñembo’e py’ÿiete, ko’ë ko’ëre.
Ñandejára oguerohory tekove potï. Mávapa ojupíne Ñandejára yvytýpe? Mávapa opytáne itupäo marangatúpe? Umi ipo ha ipy’a potïva ha ojeíva opa mba’e vaígui. (Salmo 24: 3 ha 4). Umíchagua oguahëta Ñandejára renondépe. Angaipa ñanemomombyry Ñandejáragui. Profeta Isaías ohaívo upe Ñandejára he’íva omombe’u Ha’e ombotytaha hesa israelitakuéragui: “Pende po pehupívo ñembo’épe, amboty che resa
Angaipa ñanemombyry Ñandejáragui, upévare Ha’e nañanerendumo’äi. Profeta Isaías ohaiva’ekue: “Ha peñembo’evéramo jepe, nahendumo’äi.” Mba’érepa upéicha? Israelitakuéra po henyhë tuguy ha angaipágui. Ñandejára oipota oñemboja hendápe máva hekove potïva. Ñandejára ojerure ñandéve jaheja haguä tembiapo vai, jaheja haguä angaipa, ha jajapo tembiapo porä, umi mba’e Ha’e oguerohorýva. Oipota jaheka tekojoja, oipota ñaipytyvö oikotevëvape, oipota ñambohovake hekópe ityre’ÿvape ha ñaipytyvö avei kuña iména manóvape.
Pe religión nandihápe ñembo’ekuéra hendape’ÿ. Ñandejára oipota ñañembo’e chupe hekoitépe. Oñembojáva Ñandejára rendápe oikuaava’erä heko potïva’eräha oñemboja haguä Ñandejára ha’éva SANTO renondépe. Ñembo’e natekotevëi ipuku, upe Ñandejára ojeruréva jaheka hembipota ñande rekovépe guarä, anítei jaheka upe ñandénte jaipotáva. Jahekávo Ñandejára rembipota tekove potï reheve, Ha’e ñane rendúta. Máva oñembojáva Ñandejára renondépe korasö ky’a reheve opráctica pe religión inandíva.
EHECHAKUAAMÍNA PE TEMBIAPO OJEGUEREKO’YRE ÑYRÖ, kóva ningo tuicha mba’e. Ñandejára ningo oikuave’ë pysyrö Jesucristo rupive. ¡Ñamomba’eguasúkena Ñandejárape upévare! Ñandejára ñanepysyröse. Pe angaipa ñanemomombyry Ñandejáragui. Ñane angaipa ndohejái ñañemboja Ñandejára rendápe. Ñandejára añoite ikatu ñanemopotï. Ñandejára añoite ikatu ñanepysyrö.
Ñandejára oipota jahechakuaa ñane angaipa, oipota jajevy hendápe. Iñe’ë La Biblia Isaíaspe he’i: “Peju ñañemongeta ko’ä mba’ére, ha pene angaipa pytävéramo jepe, ahejáta morotï asy, ojoguáramo jepe poyvi oñembyape pytäitévape, morotï mandyjúicha ahejáta.”.
Ñandejára ñanerenói jajevy haguä hendápe. Ha’e oipota ñaneñe’ërendu ichupe ñande rovasa haguä, jehovasa tuicháva reheve. Ñe’ërendu’ÿ ogueru ñehundi. Pe ñeha’ä máva ojapóva ijehegui ndovaléi mba’everä. Upéva ndoguerúi pysyrö. Ndoguerúi py’aguapy Ñandejára ndive. Ñandejára ñanepysyröse, ome’ëse ñandéve py’aguapy. Upevarä tekotevë jajapo upe he’íva aranduka Isaíaspe: ” Peju ñañemongeta ko’ä mba’ére, ha pene angaipa pytävéramo jepe, ahejáta morotï asy, ojoguáramo jepe poyvi oñembyape pytäitévape, morotï mandyjúicha ahejáta.”.
Pe religión nandi ha’e máva ñeha’ä ndoguerúiva pysyrö. Angirü che rendúva, nde py’aite guive nde reñeha’äramo rejapo tembiapoita ne poräva, upe nde reikuaaháicha, rejerovia’ÿre Jesucristo rehe, ha emboykéramo Ñandejárape ha hembipota, umi mba’e rejapóva ha’ehína pe religión inandíva.
Upévare, angirü, pe religión nandi ha’e ñeha’ä ha tembiapoita ndovaléiva mba’everä, nandeguerahamo’äigui Ñandejára renondépe. Taha’e ha’éva umi mba’e rejapóva guive rehupytységui pysyrö, ndovaléi. Rejeroviava’erä Jesucristo rehe nde rekove ipotï haguä ha upéicha añoite ñembo’e ha mba’ejerure rejapóva guive Ñandejárape, HA’E ohendúta ha ombohováita ndéve.
Reñembojava’erä Ñandejára renondépe, eñemoï porä hendive, tome’ë ndéve pysyrö ha py’aguapy. Ejepy’amongetamína ko árape nde jerovia rehe avei umi mba’e rejapóva guive Ñandejára rérape, ha’épa añetegua téräpa umi mba’e ndovaléiva. Ñandejára ojekuaaukase ndéve. Oipota avei rehechakuaa reikotevëha hese.
Heralds of Hope is a registered 501(c)3 nonprofit
Sign-up to get a sermon straight to your inbox on a weekly basis!
